Парламент Украіны адмяніў прыняты ў першым чытанні законапраект аб крымінальнай адказнасці за абразу і паклёп.
Адпаведную пастанову падтрымалі 349 парламентарыяў пры неабходным мінімуме ў 226 галасоў.
Раней прэзідэнт Украіны Віктар Януковіч назваў законапраект асабістай памылкай яго аўтара — дэпутата Віталя Жураўскага.
Законапраект аб паклёпе, за які ў першым чытанні прагаласавалі дэпутаты Рады, прадугледжвае ўзмацненне жорсткасці пакарання (аж да пяці гадоў пазбаўлення волі) за распаўсюд заведама хлуслівай інфармацыі. Журналісты мяркуюць, што пад гэтай падставай ўлада можа істотна абмежаваць свабоду слова і пачаць пераслед крытычна настроеных СМІ.
0
0
0
0
0
0
