Палата прадстаўнікоў нацыянальнага сходу Беларусі прыняла ў другім чытанні законапраект «Аб рэспубліканскім бюджэце на 2013 год».
Як паведамлялася, праект рэспубліканскага бюджэту на наступны год сфарміраваны на бездэфіцытнай аснове.Агульная сума даходаў кансалідаванага бюджэту на 2013 год прагназуецца ў памеры Br197,41 трлн., або 31,3 працэнта ВУП. Даходы па праекту рэспубліканскага бюджэту прадугледжваюцца ў суме Br121,72 трлн., або з ростам да чаканага выканання 2012 года на 26,1 працэнта. Асноўныя крыніцы падатковых даходаў рэспубліканскага бюджэту — падатак на дабаўленую вартасць, акцызы, падатковыя даходы ад знешнеэканамічнай дзейнасці.
Расходы кансалідаванага бюджэту на 2013 год прагназуюцца ў суме Br197,41 трлн. Расходы па праекту рэспубліканскага бюджэту сфарміраваны ў суме Br121,72 трлн.
У 2013 годзе асноўныя мэты для сектара дзяржаўных фінансаў — павышэнне ўстойлівасці і канкурэнтаздольнасці нацыянальнай эканомікі, гарантаванае выкананне фінансавых абавязацельстваў бюджэту перад знешнімі і ўнутранымі крэдыторамі, а таксама захаванне якасці бюджэтных паслуг і сацыяльная абарона слабаабароненых катэгорый насельніцтва.
У наступным годзе захаваецца сацыяльная накіраванасць расходаў бюджэту. Значную частку ў ім складуць расходы на аплату працы, пенсіі, стыпендыі, дапамогі, іншыя выплаты, сродкі на выкананне дзяржаўных сацстандартаў. Прыярытэты бюджэтнай палітыкі: ахова здароўя, адукацыя і навука
Каментары