22 кастрычніка Цэнтральным (Мінска) раённым аддзелам Следчага камітэта Беларусі распачата крымінальная справа па факце бойкі на рынку ў Ждановічах.
Як паведаміла афіцыйны прадстаўнік СК Юлія Ганчарова, справа распачата за асабліва злоснае хуліганства ў грамадскім месцы на падставе часткі 3 артыкула 339 КК.
Падазраваным па ёй пакуль праходзіць толькі адзін чалавек — жыхар Стаўраполля 1982 года, які адкрыў агонь з траўматычнага пісталета.З іншымі ўдзельнікамі бойкі зараз праводзіцца работа для ўстанаўлення поўнага кола падазраваных.
Усе ўдзельнікі бойкі, а іх, як паведамлялася раней, было затрымана 43, — цыганы. Адна групоўка з Астраханскай вобласці, другая — са Стаўраполля.
Нагадаем, 43 чалавекі былі затрыманы 20 кастрычніка супрацоўнікамі міліцыі на тэрыторыі ГД «Ждановічы», дзе прыблізна ў 13.00 непадалёк ад харчовага рынку адбылася масавая бойка.
Паводле сведчанняў відавочцаў, цыганы, грамадзяне Расіі, учынілі масавую бойку на адным з пунктаў, яны не сышліся, як мяркуецца, у цане падчас здзелкі па продажы тэлефона. Лакальная лаянка перарасла ў масавую бойку пасля таго, як кожны з бакоў запрасіў сваякоў і знаёмых. Адзін з удзельнікаў бойкі пачаў страляць у натоўп з траўматычнага пісталета. Пацярпелі тры чалавекі. Мужчыну, які адкрыў стральбу, моцна збілі. Усіх чатырох даставілі ў бальніцу.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары