КДБ: Інфармацыя пра самагубства генерала Кузняцова — поўная хлусня
Хартыя’97 са спасылкай на сваю крыніцу паведаміла, што былы начальнік упраўлення КДБ па Мінску і Мінскай вобласці Ігар Кузняцоў застрэлліўся з паляўнічай стрэльбы.
У Цэнтры інфармацыі і грамадскіх сувязяў КДБ заявілі, што «гэта выдумка і гнусная хлусня».
З 2011 года генерал-маёр Ігар Кузняцоў (нарадзіўся ў 1954 годзе) узначальвае Інстытут нацыянальнай бяспекі РБ. Калі кіраваў КДБ па Мінску і Мінскай вобласці, запомніўся тым, што цкаваў «Малады фронт», намагаўся цалкам раздушыць гэтую нацыянальную арганізацыю моладзі. «Ён прайшоўся танкам па «Маладым фронце». І вельмі гэтым ганарыцца», — у свой час заявіў у інтэрв’ю НН былы супрацоўнік КДБ Аляксандр Баганёў.
Узначальвае Беларускую федэрацыю біятлону па Мінскай вобласці.
Каментары