Паводле прагнозу Рэспубліканскага гідраметэацэнтра, у бліжэйшыя суткі будзе пахмурна, ноччу з праясненнямі. На значнай частцы тэрыторыі невялікія ападкі, галоўным чынам снег, мокры снег. У асобных раёнах слабыя туман і галалёд. Ноччу і раніцай на большай частцы тэрыторыі, днём месцамі на дарогах галалёдзіца. Вецер заходні, паўднёва-заходні 4—9 м/с.
Тэмпература паветра мінімальная ноччу мінус 2—8°С, максімальная днём мінус 2 — плюс 3°С, па паўднёвым захадзе да плюс 5°С.
У Мінску заўтра, 31 кастрычніка, чакаецца невялікі мокры снег. Слабы галалёд. На дарогах галалёдзіца. Вецер заходні, паўднёва-заходні 4—9 м/с.
Тэмпература паветра мінімальная ноччу мінус 3—5°С, максімальная днём каля 0°С.
У наступныя двое сутак па краіне будзе пахмурна з праясненнямі. 1 лістапада месцамі невялікія кароткачасовыя ападкі (мокры снег, дождж), туман, слабы галалёд. Ноччу і раніцай на асобных участках дарог галалёдзіца. Вецер паўднёва-ўсходні 5—10 м/с, днём парывы да 14 м/с, па паўднёвым захадзе да 15—20 м/с.
Тэмпература паветра мінімальная ноччу мінус 6 — плюс 1°С, пры праясненнях па паўночным усходзе да мінус 8°С; максімальная днём ад мінус 1°С па паўночным усходзе да плюс 8°С па паўднёвым захадзе рэспублікі.
2 лістапада на большай частцы тэрыторыі ападкі, галоўным чынам дождж, у асобных раёнах моцныя ападкі, туман. Ноччу па паўночным усходзе слабы галалёд, на дарогах галалёдзіца. Вецер паўднёва-ўсходні 6—11 м/с, у асобных раёнах парывы да 15—20 м/с. Тэмпература паветра мінімальная ноччу ад мінус 2°С па паўночным усходзе да плюс 8°С па паўднёвым захадзе;
максімальная днём плюс 1—8°С, па паўднёвым захадзе рэспублікі плюс 9—12°С.
Цяпер чытаюць
У Мінску будуюць новае «Акрэсціна» ў глухой прамзоне. А што будзе са старым?7
Каментары