Беларускі бок пагадзіўся на могільнік ядзерных адкідаў пад Ігналінай
Зыходзячы з заявы кіраўніцы ідэалягічнай працы Браслаўскага райвыканкаму Надзеі Лях, беларускі бок канчаткова пагадзіўся з будаўніцтвам побач зь мяжой ядзернага могільніку.
Зыходзячы з заявы кіраўніцы ідэалягічнай працы Браслаўскага райвыканкаму Надзеі Лях, беларускі бок канчаткова пагадзіўся з будаўніцтвам побач зь мяжой ядзернага могільніку.
Нагадаем, што галоўны ідэоляг раёну Н. Лях заявіла падчас грамадзкіх слуханьняў на мяжы зь Літвой у мястэчку Відзы пра тое, што жыхары раёну згодныя з «паразуменьнем паставіцца да праблемаў літоўскіх энэргетыкаў». Спасылка на грамадзкую думку ёсьць камуфляжам гэтай згоды. У сучасных беларускіх умовах думка грамадзтва заўсёды супадае зь кіраўнічай лініяй уладаў.
У слуханьнях прынялі ўдзел прадстаўнікі Міністэрства прыродных рэсурсаў і аховы навакольнага асяродзьдзя, дзяржустановы «Рэспубліканскі цэнтар радыяцыйнага кантролю і маніторынгу навакольнага асяродзьдзя», навукоўцы зь Літоўскага энэргетычнага інстытуту ды Нямеччыны, прадстаўнікі мясцовых уладаў.
Беларусы вылучылі некалькі абавязковых умоваў стварэньня аб’екта, сярод якіх шчыльны кантроль за станам могільніку, забесьпячэньне тэхнічнай надзейнасьці і радыяцыйнай бясьпекі захаваньня, а таксама адмова ад дадатковых паставак адыходаў ядзернага паліва зь іншых краінаў сьвету.
Праблема існаваньня могільніка для месьцічаў ня ёсьць абстракцыяй. Коміны Ігналінскай АЭС — побач зь мяжой, ядзернае захаваньне таксама можна разгледзець няўзброеным вокам. Наўкол — сыстэма знакамітых Браслаўскіх азёраў, на якіх месьцяцца, напэўна, найлепшыя ў Беларусі зоны адпачынку.
Браслаўшчына прыцягвае турыстаў з розных краінаў, і небясьпечнае суседзтва можа значна перашкодзіць разьвіцьцю гэтай галіны.
Што тычыцца самой заявы пра згоду месьцічаў, то яна зробленая на гэткім узроўні, які дае магчымасьць, калі патрэбна, хутка яе дэзавуяваць.
Цяпер чытаюць
Адстаўны міністр-карупцыянер прадае рэспектабельны катэдж каля Драздоў. Просіць $2 мільёны3
Каментары