Рэха трагедыі ў Сухараве: ДАІ стала патруляваць пад'езды да сталічных школаў
З раніцы 16 лістапада Мінская Дзяржаўтаінспекцыя арганізавала дзяжурства сваіх супрацоўнікаў у кожнай навучальнай установы горада.
Як паведамілі ва ўпраўленні ДАІ ГУУС Мінгарвыканкама, супрацоўнікі міліцыі кантралююць пад’езды аўтатранспарту да будынкаў падчас пачатку заняткаў у першую і ў другую змены, падчас вяртання школьнікаў дадому.
Вырашаецца пытанне аб прыцягненні да гэтай працы ўгадзіны-пік «стопмэнаў» — найбольш падрыхтаваных старшакласнікаў.
На нарадзе па пытанні рэфармавання МУС 15 лістапада Аляксандр Лукашэнка «выказаў немалую долю крытыкі ў адрас гарадскіх уладаў і міліцыі, нагадаўшы аб нядаўняй трагедыі каля адной са школ».
Нагадаем, што вечарам 12 лістапада прама каля школы № 23 у Мінску на вуліцы Пімена Панчанкі ў Сухараве пад коламі аўтамабіля загінуў дзевяцігадовы школьнік.
Лукашэнка ўчора сказаў з гэтай нагоды: «Выходзіць дырэктар школы і гаворыць: мы звярталіся ў ДАІ, патрабавалі, прасілі, але яны не прынялі мер. Значыць, трэба цвёрда разабрацца з ДАІ. Ужо занадта часта я чую нараканні, асабліва ў адрас гарадской ДАІ», — сказаў Лукашэнка.
«
Чаму вы не абгарадзілі гэту пляцоўку і ўсю школьную тэрыторыю плотам? Значыць, вы (гарадскія ўлады) вінаватыя, — прадоўжыў ён, звяртаючыся да кіраўніка Мінска Мікалая Ладуцькі.— Далей, што гэта за пазіцыя школьнага калектыву: мы звярнуліся ў ДАІ. Мы, бацькі, перадалі вам дзяцей, якія прыйшлі ў школу, і вы галавой за гэта адказваеце. У нас сёння настаўнік прыйшоў, як да станка, чатыры гадзіны адбыў і пайшоў. Усё роўна, якія дзеці. У сем’і яны даўно не ходзяць. Што гэта за пазіцыя такая?» «І бацькі вінаватыя. Занялі ўсю пляцоўку ўласнымі аўтамабілямі», — дадаў Лукашэнка. «Таму займіцеся кожны сваёй справай. Гэта сёння галоўнае», — запатрабаваў ён.
Цяпер чытаюць
Новыя дэталі знікнення Анатоля Котава. Яхта з ім змяніла курс на Абхазію, дзе яго вывелі супрацоўнікі ФСБ. Але выкраданне ці інсцэніроўка?5
Каментары