Мінгарвыканкам прыняў рашэньне не будаваць хуткаснай аўтадарогі праз Севастопальскі парк
Нагадаем, жыхары мікрараёна Усход‑2 выступілі супраць будаўніцтва хуткаснай шматпалоснай аўтадарогі праз Севастопальскі парк. Згодна з планам уладаў горада, шасціпалосная магістраль павінна была прайсці ад перасячэння вуліц Філімонава і Кядышкі праз Севастопальскі парк па вуліцы Олешава да Даўгінаўскага тракту або па вуліцы Каліноўскага.
Адна з жыхарак мікрараёна Валянціна Шалейнікава заявіла, што ўлады горада прымушаюць жыхароў з 1996 года пастаянна весці барацьбу за захаванасць Севастопальскага парку. Згодна з генпланам, парк адносіцца да ландшафтна‑рэкрэацыйнай зоны і водаахоўнай зоны Сляпянскай воднай сістэмы, дзе размяшчаюцца восем свідравін водазабора «Зеляноўка». Жыхары раёна ўжо адстаялі свае інтарэсы, і пракуратура Беларусі адмяніла рашэнне аб будаўніцтве элітных дамоў у парку. У Севастопальскім парку размешчаны Рэспубліканскі рэабілітацыйны цэнтр для дзяцей‑інвалідаў і школа‑інтэрнат для дзяцей са слабым слыхам. Дарога, што планавалася, прайшла б у непасрэднай блізкасці ад гэтых устаноў і пагоршыла экалагічнае становішча.
«Мы яшчэ раз перагледзелі транспартную схему і прынялі рашэнне будаваць дарогу ад Лагойскага тракту да Навінак. Мы зразумелі, што да 2020 года вострай неабходнасці ў будаўніцтве гэтага ўчастка трэцяга транспартнага кальца няма», — зазначыў В.Нікіцін.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць4
Каментары