52% жонак прымушаюць сваіх мужыкоў браць дакладкі.
Беларусы перакананы, што добрая жонка і маці павінна смачна гатаваць. І рабіць гэта штодня. Фэміністкі тыкаюць пальцам на Захад — маўляў, тамака кабеты не гатуюць, а ўсёй сям’ёю наведваюць рэстарацыі, дзе пад прыглушаны бразгат відэльцаў гутараць зь дзецьмі й мужам. Дасьледаваньні Інстытуту Пэнтара выявілі, што гэта ня больш чым падманлівы стэрэатып.
Аказваецца, беларускі сьветапогляд у галіне ежы нічым ня розьніцца ад сусьветнага. Большасьць эўрапейскіх кабет лічаць, што шчасьлівая сям’я — гэта сытая сям’я. Уласна, уволю павінен наесьціся мужчына, які, паводле пануючага перакананьня, павінен цяжка працаваць дзеля дабрабыту сям’і. Як некалі ў беларускай сялянскай хаце: бацька, які ад рана цягаў саху, стомлены сядаў за стол і першы пачынаў есьці. Дзеткі толькі даядалі пасьля таткі.
Сьвет зьмяніўся, з харчамі праблемаў няма, таму бацьку на талерку трапляе й тое, што засталося ад дзяцей. Сапраўды, ня сьвіньням жа аддаваць? Сьвіней, да таго ж, у сярэдніх сем’ях і не трымаюць. Дый кормяць тых парсюкоў адмысловай ежай, а не мяшанкай, мыюць і пасьвяць на ланцужку. Але гэта ў Эўропе.
Калі мужык зьядае ўсё, што паклалі яму на талерку, зацьвярджае ў кабеты пачуцьцё ўласнай вартасьці як добрай жонкі й ашчаднай гаспадыні.
Поўны варыянт артыкулу чытайце ў папяровай і pdf-вэрсіі "Нашай Нівы"
Руслан Равяка
Каментары