52% žonak prymušajuć svaich mužykoŭ brać dakładki.
Biełarusy pierakanany, što dobraja žonka i maci pavinna smačna hatavać. I rabić heta štodnia. Feministki tykajuć palcam na Zachad — maŭlaŭ, tamaka kabiety nie hatujuć, a ŭsioj siamjoju naviedvajuć restaracyi, dzie pad pryhłušany brazhat videlcaŭ hutarać ź dziećmi j mužam. Daśledavańni Instytutu Pentara vyjavili, što heta nia bolš čym padmanlivy stereatyp.
Akazvajecca, biełaruski śvietapohlad u halinie ježy ničym nia roźnicca ad suśvietnaha. Bolšaść eŭrapiejskich kabiet ličać, što ščaślivaja siamja — heta sytaja siamja. Ułasna, uvolu pavinien najeścisia mužčyna, jaki, pavodle panujučaha pierakanańnia, pavinien ciažka pracavać dziela dabrabytu siamji. Jak niekali ŭ biełaruskaj sialanskaj chacie: baćka, jaki ad rana ciahaŭ sachu, stomleny siadaŭ za stoł i pieršy pačynaŭ jeści. Dzietki tolki dajadali paśla tatki.
Śviet źmianiŭsia, z charčami prablemaŭ niama, tamu baćku na talerku traplaje j toje, što zastałosia ad dziaciej. Sapraŭdy, nia śvińniam ža addavać? Śviniej, da taho ž, u siarednich siemjach i nie trymajuć. Dyj kormiać tych parsiukoŭ admysłovaj ježaj, a nie miašankaj, myjuć i paśviać na łancužku. Ale heta ŭ Eŭropie.
Kali mužyk źjadaje ŭsio, što pakłali jamu na talerku, zaćviardžaje ŭ kabiety pačućcio ŭłasnaj vartaści jak dobraj žonki j aščadnaj haspadyni.
Poŭny varyjant artykułu čytajcie ŭ papiarovaj i pdf-versii "Našaj Nivy"
Rusłan Raviaka
Kamientary