Сакрэт папулярнасьці песьні «Люблю» палягае ў яе аптымізьме.
Адзіны на абсягах Белнэту віртуальны гіт-парад «Тузін гітоў» (http://music.fromby.net) падвёў рысу пад сэзонам 2003—2004. Наведнікі штодзень маглі абіраць найлепшыя творы беларускіх музыкаў. З 60 прапанаваных песень праз два месяцы галасаваньняў засталася дзясятка пераможцаў.
Вынікі «Шалёнага параду» не зьдзівілі. Рытарычнае пытаньне «Калі ня ён, дык хто?» актуальнае ня толькі ў дачыненьні да беларускай палітыкі, але і да рок-сцэны. У дзясятку гітоў трапілі аж чатыры песьні Лявона Вольскага: «Калі ідуць на абардаж» на верш У.Караткевіча — 6-е месца, «Рок-н-рол не ўратуе» (сьвежы гіт «N.R.M.») — 5-е, на трэцяй пазыцыі — навюткая песьня «Турысты» ад «Крамбамбулі», ну, і абсалютны лідэр — «Люблю» з «Крамбамбулі» «Каралёў раёну».
«Люблю» назьбірала 1801 голас (другое месца — за Зьмітром Вайцюшкевічам зь «Я ішоў да цябе» — агулам 1592 галасы). Паводле статыстыкі, яе больш за ўсё і пампавалі з сайту www.music.fromby. net у фармаце .mp3 — 1960 разоў (за пэрыяд «Шалёнага параду»).
Поўнасьцю гэты артыкул можна прачытаць у папяровай і pdf-вэрсіі "Нашай Нівы"
Сяргей Будкін
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары