31 кастрычніка ў мастацкай галерэі «Універсітэт культуры» адкрылася выстава крэслаў. Экспазіцыю складаюць рэалізаваныя дызайнерскія праекты, канцэпты, арт-аб’екты, макеты, медыя-арт, жывапіс, графіка, фатаграфія.
Біенале «Пастулат» упершыню прайшла ў 2012 годзе. У ёй прынялі ўдзел больш за 110 мастакоў, скульптараў, фатографаў і дызайнераў з Беларусі, Расіі, Польшчы і Эстоніі. Гэта была знакавая і беспрэцэдэнтная падзея для беларускага дызайну, якая дазволіла пачаць збор калекцыі дызайнерскіх аб'ектаў і знайшла свой працяг на еўрапейскіх фестывалях дызайну.
На працягу 2013 калекцыя «Пастулат» была паказана на Тыдні дызайну ў Вільні, на WAWA Design Festival у Варшаве, на Design Night Festival ў Таліне, а таксама ў Карціннай галерэі Г.Х. Вашчанкі ў Гомелі, на выставе «Avant-gARTe. Ад квадрата да аб'екта» у Мінску.
Арганізатар біенале — Беларускі саюз дызайнераў.
Водгукі і сэлфі з упадабанымі крэсламі можна высылаць на: bdu@nsys.by
Месца выставы: Мастацкая галерэя «Універсітэт культуры», Палац Рэспублікі, Кастрычніцкая пл., 1.
Час працы галерэі: 11.00 - 19.00. Выхадныя: нядзеля і панядзелак.
Уваход вольны!
Што за 17-гадовы стартапер, які выліў цэбар хлусні на Лібера на радасць беларускім спецслужбам7
Каментары