Мараканцаў, якія зладзілі бойку ў Гомелі, высылаюць з краіны. Перад гэтым правялі публічную цырымонію іх высылкі
Міліцыя раней паведамляла, што начную бойку ў Гомелі зладзілі два студэнты-мараканцы з-за дзяўчыны. Цяпер яны паведамілі пра высылку трох чалавек.
22 красавіка ў сацсетках разляцелася відэа бойкі замежнікаў у цэнтры Гомеля. На відэа маладыя людзі ўсходняй знешнасці б'юцца, трэці хлопец — нерухома ляжыць на асфальце, да яго падыходзіць міліцыянт. Пасля розгаласу міліцыя дала тлумачэнні наконт начной бойкі замежнікаў у Гомелі: дэбош зладзілі два студэнты-мараканцы з-за дзяўчыны
Міліцыянты, па інфармацыі МУС, затрымалі парушальнікаў і на час разбору траіх замежнікаў змясцілі ў ізалятар часовага ўтрымання.
Яны прыцягнуты да адміністрацыйнай адказнасці за парушэнне грамадскага парадку, прынятае рашэнне аб іх выдварэнні з краіны.
«Працэдуры публічных высылак праведзены па месцах вучобы, а таксама ў тэрытарыяльным падраздзяленні міліцыі. У найбліжэйшы час яны пакінуць Беларусь», — паведамляе МУС.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары
Што за працэдуры такія, ці ёсць яны ў працэсуальных кодэксах Беларусі?
Колькі крокаў засталося да публічных пакаранняў?
Сам сабе не пахваліш...