Свет55

Мелоні і Макрон пасварыліся наконт Украіны. Мерц стараецца іх памірыць

Канцлер Германіі спрабуе ўрэгуляваць дыпламатычную спрэчку паміж Рымам і Парыжам пасля таго, як прэм’ер-міністр Італіі Джорджа Мелоні не была ўцягнута ў апошнія перамовы лідараў ЕС і ЗША адносна ўрэгулявання вайны паміж РФ і Украінай, піша Financial Times.

Джорджа Мелоні абдымае Уладзіміра Зяленскага падчас інтранізацыі Папы Льва Kmdf ХIV у Ватыкане. Фота: Gregorio Borgia / AP 

Напружанасць узнікла 16 мая, калі прэзідэнт Францыі Эмануэль Макрон абвінаваціў Мелоні ў распаўсюджванні «непраўдзівай інфармацыі» пасля таго, як яна не ўзяла ўдзел у сустрэчы лідараў з прэзідэнтам Украіны Уладзімірам Зяленскім і ў сумеснай тэлефоннай размове з Дональдам Трампам.

@nnmediareport Премьера Италии на саммите в Албании не позвали на заседание в узком кругу, на котором обсуждались результаты переговоров между Украиной и Россией #италия #украина #мирныепереговоры #президент #зеленский #зеленскийпрезидет #всу #зсу ♬ In Essence (Slowed) - Ka$tro

Мелоні паехала ў Албанію на саміт Еўрапейскай палітычнай супольнасці, у якім удзельнічалі 40 еўрапейскіх лідараў, у тым ліку Зяленскі. Але яна не далучылася да Мерца, Макрона, прэм’ераў Вялікабрытаніі Кіра Стармера і Польшчы Дональда Туска на пасяджэнні, дзе абмяркоўвалі вынікі расійска-украінскіх мірных перамоў, што адбыліся ў той дзень у Стамбуле.

Еўрапейскія лідары, якія тады ініцыявалі тэлефонную размову з Трампам і Зяленскім, пазней апублікавалі заяву, у якой назвалі патрабаванні Пуціна «непрымальнымі». Прэм’ер-міністр Італіі заявіла журналістам, што яе не ўключылі ў спіс праз адмову накіроўваць войскі ва Украіну ў межах прапанаванай «кааліцыі ахвотных» для забеспячэння бяспекі пасля магчымай мірнай дамовы.

«Італія ўжо даўно заявіла, што не жадае накіроўваць войскі ва Украіну. Для нас няма сэнсу ўдзельнічаць у фарматах, якія маюць мэты, у якіх мы не жадаем браць удзелу», — сказала Мелоні.

Але Макрон заявіў, што разгортванне войскаў не абмяркоўвалася ні ў Тыране, ні ў Кіеве на мінулых выхадных, куды ён прыбыў разам са Стармерам, Мерцам і Тускам — і без Мелоні: «Дыскусія тычыцца спынення агню — давайце пазбягаць распаўсюджвання непраўдзівай інфармацыі. Яе і так дастаткова з боку Расіі», піша «Украінская праўда».

Мерц сустрэўся з Мелоні напярэдадні нядзельнай інтранізацыйнай імшы Папы Льва XIV і паспрабаваў змякчыць напружанасць, заявіўшы, што абодва лідары згодныя з тым, што Італія «павінна адыгрываць сваю ролю» ва ўсіх еўрапейскіх мірных ініцыятывах па Украіне.

Адсутнасць Мелоні ў еўрапейскім квартэце і адкрытая крытыка з боку Макрона выклікалі ў Італіі хвалю абурэння — крытыкі абвінавацілі яе ў тым, што яна адхіліла сваю краіну ад прыняцця важных рашэнняў.

Каментары5

  • Ноўнэйм
    19.05.2025
    Макрону наадварот трэба было сказаць, што абмяркоўвалі як раз разгортванне міратворцаў ва Ўкраіне. Тады фармальна ў Мелоні не было б падставы для абурэння, што яе не запрасілі. І не было б гэтага канфлікта. Эх, палітыкі..
  • экс-палітвязень
    19.05.2025
    Затое Італія жадае актыўна гандляваць з Лукою, не зважаючы на санкцыі. Колькі тавараў, вырабленых у карных калоніях, пастаўляецца ў Італію, спадарыня Мэлоні?
  • Максим Дизайнер
    19.05.2025
    Вопрос, Ну, эта вам не бедуинов ливийских за нефть бомбардировками утюжить. В Украине нефти и газа не много, много чернозема, где ручками работать нужно.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць