Прокурорка, якая ўдзельнічала ў палітычных працэсах, стала адвакаткай
Былая намесніца пракурора Фрунзенскага раёна Мінска Крысціна Асран на пачатку мая здала экзамен на тое, каб працаваць адвакатам. На гэта звярнуў увагу праваабарончы сайт defendersbelarus.org, піша «Радыё Свабода».
На сваёй папярэдняй пасадзе Крысціна Асран падтрымлівала дзяржаўнае абвінавачанне ў сотнях спраў, у тым ліку і палітычных. У прыватнасці, яна прасіла 3 гады «хіміі» для інжынера-праграміста Сцяпана Чыкілёва, якога збіў мікрааўтобус падчас пратэстаў 15 лістапада 2020 года.
Таксама яна выступала на баку абвінавачання ў справе Юліі Аніскевіч, якую асудзілі на два гады «хіміі» за некалькі каментароў. Прычым кожны наступны каментар разглядалі як паўторнае злачынства, што абцяжарвала адказнасць.
На працэсе супраць Ігара Пражэннікава яна прасіла для яго паўтара года калоніі за ўдзел у пратэстах.
Таксама Крысціна Асран выносіла прадпісанне пра выплату на карысць МНС выдаткаў, звязаных з дэмантажом сцяга ў мінскім квартале «Каскад».
Пераход у адвакаты супрацоўнікаў праваахоўных органаў — не рэдкасць. Больш за тое, у Беларусі для іх створаныя льготныя ўмовы ўваходу ў прафесію.
Цяпер чытаюць
Наталля Пяткевіч стала віцэ-прэм'ерам, а Каранік узначаліў Акадэмію навук16
Каментары
Калі вы ім плаціце за абарону - то тым самым легітымізуеце увесь бутафорскі судовы працэс.
Усе дзейсныя адвакаты Беларусі, якія маюць ліцэнзію - гэта такія ж злачынцы як і іх падзельнікі пракуроры.
"Плохой и хороший полицейский", - у пантаміме судзілішчаў, што праводзіць рэжым. Саўдзельнікі Дзяржаўнага Тэрору.