Зачыняецца першы беларускі інтэрнэт-партал Open.by
Адзін з найстарэйшых сайтаў Беларусі Open.by спыніць работу 1 студзеня.
«Першы беларускі інтэрнэт-партал выканаў сваю місію і сыходзіць у гісторыю», — піша адміністрацыя ў развітальным лісце.
Пад канец 90-х ў байнэце з’явіўся першы каталог сайтаў 09.open.by, а за ім у 1999-м і паўнавартасны інфармацыйны партал Open.by. Дзякуючы яму затым з’явіліся Rabota.by, Shop.by і Domain.by, пошта Mail.by, сістэма электронных грошаў EasyPay ды іншыя сервіся.
«Мы стараліся быць карыснымі і раскрыць магчымасці Інтэрнэту ў максімальна даступным для вас выглядзе. Лічым, што гэта нам удалося», — кажуць на развітанне стваральнікі Open.by.
Таксама ў 1999 годзе ў белнэце з’явіліся пашукавік і лічыльнік Akavita.by, інтэрнэт-магазін Oz.by, цэнавы партал Kosht.com і банерная сетка ByBanner.Net. У 2000 годзе ў партала з’явіўся моцны канкурэнт — Tut.by, які на сёння з’яўляецца самым папулярным беларускім сайтам.
Пошта па адрасах Mail.by і Open.by працягне працу ў штатным рэжыме. Азнаёміцца з архіўнымі версіямі Open.by можна на сервісе Internet Archive.
-
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў3
Каментары