Памёр былы віцэ-прэм'ер урада Беларусі Міхаіл Дзямчук. Ён пражыў 70 гадоў.
Дзямчук нарадзіўся ў 1946 у вёсцы Дзявяткі Кобрынскага раёна.
Ён быў доктарам фізіка-матэматычных навук, прафесарам і членам-карэспандэнтам Акадэміі навук Беларусі.
Ён скончыў Белдзяржуніверсітэт у 1968. Працаваў тамсама ў лабараторыі НДІ прыкладных фізічных праблем. У 1988 стаў міністрам народнай адукацыі БССР.
У 1989 як дэпутат прызначанага саветамі Вярхоўнага Савета БССР сваім выступам падтрымаў Закон аб мовах, які замацоўваў дзяржаўнасць беларускай мовы.
З 1991 — віцэ-прэм'ерам ва ўрадзе Кебіча. Ад 1994 да 2000 працаваў рэктарам Беларускага нацыянальнага тэхнічнага ўніверсітэта. А на 2000—2001 вярнуўся ва ўрад, ужо Ярмошына, віцэ-прэм'ерам.
З 2002 быў рэктарам Рэспубліканскага інстытута вышэйшай школы БДУ.
***
Развітанне пройдзе з 11:00 да 12:00 у КЗ «Мінск» (вул. Кастрычніцкая, 5). Пахаванне адбудзецца на Усходніх могілках з 13:20 да 14:00.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)