Беларусь перадала Літве яе грамадзяніна, асуджанага за фінансавыя афёры. Ён ехаў праз мяжу з чужым пашпартам
У канцы мінулага года грамадзянін Літвы Ігнас Ёмантас, асуджаны за фінансавыя афёры, спрабаваў трапіць у Беларусь пад чужым іменем, аднак быў затрыманы беларускімі памежнікамі. Ёмантас правёў некалькі месяцаў у беларускай турме, а цяпер яго перадалі Літве, дзе ён будзе адбываць прызначанае яму пакаранне, паведамляе Delfi.lt.
Інфармаваныя крыніцы паведамілі Delfi, што Ёмантас ужо знаходзіцца ў Літве. Гэтую інфармацыю пацвердзіў прэс-сакратар Дэпартамента паліцыі Рамунас Матоніс, адзначыўшы, што Ёмантаса перадалі Літве два тыдні таму.
Беларускія памежнікі затрымалі Ігнаса Ёмантаса 29 снежня 2024 года. Мужчына ехаў праз мяжу з чужым пашпартам.
«Ён сказаў, што з'яўляецца грамадзянінам Літвы і не мог пакінуць краіну пад сваім імем, таму пазычыў пашпарт у сябра», — паведамляў тады Дзяржаўны памежны камітэт.
За выкарыстанне чужога дакумента Ёмантас быў асуджаны ў Беларусі да пазбаўлення волі на 2 гады, але прабыў у беларускай турме ўсяго 4 месяцы.
Аднак і на радзіме на волю ён не выйдзе. У чэрвені 2022 года за ўтойванне падаткаў ён быў асуджаны да 1 года і 3 месяцаў пазбаўлення волі з адтэрміноўкай на 2 гады. Нягледзячы на тое, што падчас гэтага пакарання ён неаднаразова парушаў парадак, суддзі яго шкадавалі і да рэальнага пакарання не прысуджалі. Толькі ўцёкі ў Беларусь сталі апошняй кропляй, пасля гэтага Клайпедскі ўчастковы суд прысудзіў яго да турэмнага зняволення.
Да заканчэння адтэрміноўкі Ігнасу Ёмантасу заставалася два дні, аднак цяпер яму давядзецца адседзець за кратамі больш за год. Акрамя таго, ён з'яўляецца фігурантам яшчэ аднаго расследавання, звязанага з махлярствам.
Раней Ёмантас быў судзімы за нелегальнае захоўванне зброі, утойванне падаткаў і парушэнне грамадскага парадку. Да гэтага часу суды не прысуджалі яго да рэальнага зняволення. Акрамя таго, ён сістэматычна парушае правілы дарожнага руху, ездзіць за рулём п'яны, без правоў, перавышае хуткасць і г. д. З 2017 года за парушэнне ПДР яго каралі больш за 80 разоў.
Літовец спрабаваў трапіць у Беларусь па пашпарце сябра. Выявілася, гэта псеўдамільянер, якога ў Літве абвінавачваюць у махлярстве
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары