У кастрычніку мінулага года 50-гадовая жыхарка Салігорска, знаходзячыся ў вёсцы Летанец, вырашыла вывесці на прагулку свайго сабаку пароды акіта-іну. Спакойную прагулку перарвала небяспека, піша БелТА.
Суседскі сабака — маскоўскі вартавы — кінуўся на жанчыну. Вялізны сабака ўчапіўся зубамі ў яе руку. Акiта-іну, нягледзячы на ўласныя інстынкты, не змог супрацьстаяць раз’юшанаму сабаку.
Невядома, чым бы магла скончыцца гэтая сутычка з жывёлай, калі б на крыкі аб дапамозе не адгукнуліся суседзі. Муж пацярпелай адбіў жанчыну ад агрэсіўна настроенага сабакі, пасля чаго яны схаваліся на ўчастку адной з мясцовых дачніц.
Вынік гэтай трагічнай сустрэчы — шматлікія раны левай рукі, пераломы, пашкоджаныя звязкі, сухажыллі, мышцы кісці, храсткі і нервы левага перадплечча, што, згодна з заключэннем экспертаў, адносіцца да менш цяжкіх цялесных пашкоджанняў.
Заведзена крымінальная справа.
Каментары