Многія СМІ ўжо напісалі аб павышэнні мінімальнага памеру аплаты працы ў Беларусі з 1 студзеня 2019 года. Каб не паўтарацца, аналітыкі Picodi.com вырашылі параўнаць узровень мінімальнай зарплаты ў 52 краінах свету, а таксама суаднесці цэны васьмі асноўных груп прадуктаў харчавання з мінімальным прыбыткам працоўнага насельніцтва ў гэтых краінах.
Па традыцыі, у пачатку года падвышаецца памер мінімальнай аплаты працы не толькі ў Беларусі. І ўсё ж паняцце МЗП існуе не ўсюды. Так, у краінах Скандынаўскага паўвострава, у Італіі, Аўстрыі і Сінгапуры абыходзяцца без яго. Нягледзячы на тое, што Беларусь так і не ратыфікавала канвенцыю ААН аб усталяванні мінімальнай зарплаты, гэты паказчык застаецца адным з галоўных фактараў ацэнкі ўзроўню жыцця.
Ці хапае гэтых грошай, каб задаволіць асноўныя патрэбы ў прадуктах харчавання?
Цэны асноўных прадуктаў харчавання
Для таго, каб правесці гэта даследаванне, мы стварылі ўмоўны кошык, у які змясцілі 8 універсальных катэгорый харчовых тавараў: хлеб, малако, яйкі, рыс, мяса, гародніна і садавіна. Нягледзячы на тое, што гэта вельмі невялікі і, шчыра кажучы, эканомны спіс, прадукты, якія знаходзяцца ў ім, задавальняюць запатрабаванням дарослага чалавека ў вугляводах, бялках, клятчатцы і мінеральных рэчывах. Цэны на гэтыя тавары пастаянна адсочваюцца ў тым ліку і міжнароднай супольнасцю.
Па падліках Picodi.com, у Беларусі мінімальны кошык прадуктаў харчавання з гэтага спісу будзе каштаваць у сярэднім 135,71 руб.:
- Малако (10 л.) — 14,30 руб.
- Хлеб (10 боханаў па 500 гр.) — 11,90 руб.
- Рыс (1,5 кг) — 3,27 руб.
- Яйкі (20 шт.) — 3,97 руб.
- Сыр (1 кг) — 12,14 руб.
- Мяса птушкі і ялавічына (6 кг) — 60,30 руб.
- Садавіна (6 кг) — 16,80 руб.
- Гародніна (8 кг) — 13,03 руб.
З 1 студзеня 2019 года МЗП у Беларусі складае 330 рублёў (283,80 рубля «чыстымі» пасля выплаты падаткаў). Прымаючы пад увагу сярэднія цэны выбраных намі прадуктаў, выдаткі на іх складуць 47,8% ад мінімальнай зарплаты, атрыманай «на рукі». Такім чынам, Беларусь размясцілася на 43 месцы з 52 аналізаваных намі краін.
Найменшыя суадносіны МЗП і выдаткаў на прадукты мы выявілі ў Аўстраліі, Ірландыі і Вялікабрытаніі, дзе работнік, які атрымлівае самую маленькую зарплату, марнуе каля 7% на асноўныя прадукты харчавання.
Ніжэй за Беларусь у гэтым рэйтынгу апынуліся Малдова, Мексіка, Украіна, В'етнам. Горш за ўсё выглядае статыстыка ў Нігерыі, дзе самыя сціплыя выдаткі амаль у два разы перавышаюць мінімальную зарплату, якая складае $45.
Метадалогія
У гэтым даследаванні былі выкарыстаны самыя апошнія дадзеныя аб мінімальным памеры аплаты працы, апублікаваныя на афіцыйных інтэрнэт-сайтах адпаведных устаноў, інстытутаў ці міністэрстваў 52 краін Еўропы, Азіі, Паўночнай і Паўднёвай Амерыкі, Афрыкі, а таксама Аўстраліі. Некаторыя краіны ўводзяць змены ставак у тэрміны, якія адрозніваюцца ад пачатку каляндарнага года. У Грэцыі МЗП застаецца нязменным з 2013 года. Цэны прадуктаў, выкарыстаныя ў гэтым даследаванні, ўзятыя з сайта numbeo.com, дзе збіраюцца тысячы карыстальнікаў з усяго свету. Для канвертацыі валют выкарыстоўваўся сярэдні курс за снежань 2018 года.
Цяпер чытаюць
Стала вядома, дзе працуе фаварытка Лукашэнкі Уладлена Зайцава9
Каментары