У Генеральнай пракуратуры расказалі гісторыю пра ўхіленне ад арміі са шчаслівым фіналам.
Усё пачалося яшчэ ў 2021 годзе. Малады жыхар Бабруйсчка атрымаў позву, але ў прызначаны дзень і час не зхявіўся. У выніку распачалі крымінальную справу за ўхіленне ад вайсковай службы.
Як распавёў малады чалавек, у той час ён жыў у Расіі. Перыядычна яго там затрымлівалі, але потым адпускалі. У нейкі момант ён зразумеў, што такая сітуацыя яго не задавальняе. Ён вырашыў прыехаць у Беларусь, каб уладкаваць пытанне.
Ён адразу звярнуўся ў пракуратуру і следчыя органы і заявіў, што гатовы служыць у арміі.
Згодна з заканадаўствам, адказнасць была заменена на адміністрацыйную. Малады чалавек атрымаў штраф 30 базавых велічынь (1260 рублёў).
Як растлумачыў пракурор Бабруйска, гэта стала магчымым дзякуючы таму, што грамадзянін добраахвотна з'явіўся і напісаў заяву аб жаданні аддаць доўг Радзіме.
Крымінальная справа спынена, а малады чалавек не будзе лічыцца судзімым. У найбліжэйшы час ён адправіцца ў армію.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж23
Каментары