З кастрычніка пачнуць дзейнічаць новыя правілы ўезду ў ЕС. Што зменіцца для беларусаў
Новая сістэма перасячэння межаў Еўрасаюза грамадзянамі іншых краін, увядзенне якой некалькі разоў адкладалася, пачне працаваць з 12 кастрычніка 2025 года. Падрабязнасці паведаміла Еўракамісія ў сваім прэс-рэлізе.
Ідзе гаворка пра ўкараненне на ўсіх памежных пераходах і ў аэрапортах краін Еўрасаюза біяметрычнай сістэмы Entry/Exit System (EES). Мэта — зрабіць перасячэнне мяжы больш хуткім і адначасова ўзмацніць эфектыўнасць кантролю.
Сістэма прадугледжвае, што пры першым уездзе ў ЕС трэба будзе зрабіць фота і адсканіраваць адбіткі пальцаў.
Гэтыя даныя будуць захоўвацца ў сістэме тры гады, пасля чаго — выдаляцца. Пры наступным перасячэнні мяжы, калі ў вас ёсць біяметрычны пашпарт, то кантроль будзе адбывацца аўтаматычна.
Зарэгістравацца ў EES можна будзе нават загадзя праз мабільны дадатак. Пасля канчатковага ўкаранення сістэмы ў біяметрычныя пашпарты перастануць ставіць штампы. Для ўладальнікаў звычайных пашпартоў нічога не зменіцца і ніякіх абмежаванняў не будзе.
Пакуль нават тыя, хто пройдзе аўтаматычную ідэнтыфікацыю ў сістэме па біяметрычным пашпарце, павінны будуць падысці на пашпартны кантроль і паставіць штамп.
Сістэма будзе ўводзіцца паступова цягам шасці месяцаў. У ёй будзе захоўвацца ўся інфармацыя пра наведванні краін ЕС канкрэтным чалавекам: краіны ўезду і выезду, працягласць знаходжання, адмовы ва ўездзе, парушэнні і іншае. Доступ да яе будуць мець усе консульскія службы пры выдачы новых віз.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна14
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары