Ціханоўская распавяла, як бачыць сумесную будучыню з мужам пасля яго вызвалення
У інтэрв’ю расійскай журналістцы Ірыне Шыхман Святлана расказала, як бачыць будучыню з мужам Сяргеем Ціханоўскім пасля таго, як ён выйдзе на волю.
— У вас няма страху, што калі ўсё здарыцца так, як вы хочаце, і мужа выпусцяць, што вы, два новыя чалавекі, адно з адным сустрэнецеся? І, магчыма, не знойдзеце агульнай мовы?
— Вы ведаеце, у нас былі дастаткова розныя сітуацыі ў сямейным жыцці, з якіх мы выходзілі. І я думаю, што мы справімся і з гэтай сітуацыяй таксама. Калі так акажацца, што мы будзем рознымі людзьмі, хаця моцна чалавек усё адно не мяняецца, той касцяк, які быў, асноўныя пачуцці, якія ў табе, ну куды іх? Я яго як кахала, так і кахаю. Чаго баяцца? Якім ён будзе, занадта азлобленым?
— Тым, што яго жонка цяпер мае сваё слова і робіць такія ўчынкі, на якія раней не магла вырашыцца.
— Так, але ён усё адно застаецца маім каханым мужам, і ён усё адно застаецца галоўным у нашай сям’і.
— Сяргей нармальна гэта ўспрыме?
— Я думаю, так. Я не ведаю. Я спадзяюся, што ў нас усё будзе добра, я не бачу прычынаў канфліктаваць з гэтай нагоды. Слухайце, ну а што ўва мне змянілася? Усё роўна, калі я думаю пра мужа, нейкіх лідарскіх якасцяў у адносінах да яго ў мяне не ўзнікае. Я ведаю, што ён выйдзе і зноў усё возьме ў свае рукі. Я адыду на другі план у барацьбе, калі яна яшчэ патрэбная будзе. Мы ж спадзяёмся, што пераможам і тады разам будзем будаваць будучыню Беларусі.
— Сяргей змог бы быць мужам прэзідэнта па сваім характары?
— (Паўза. Смех.) Так, змог бы, куды ён дзенецца?
Чытайце таксама: Ціханоўская — пра народны ўльтыматум: Я і так занадта доўга згладжвала, разумееце?
Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам36
Каментары