Улада2323

Хапун кіраўніцтва Саюза палякаў

Затрыманыя Анжаліка Борыс, Андрэй Пачобут, Ігар Банцар, Мечыслаў Яскевіч — усяго 40 чалавек, а таксама Анатоль Лябедзька. Яны ехалі ў Валожын на судовы працэс наконт Польскага дома ў Івянцы.

Сёння ў раённым судзе ў Валожыне адбыўся разгляд пазову афіцыйнага Саюзу палякаў, сядзіба якога месціцца ў Гродне, да дзяячкі польскага руху з Івянца Тарэсы Собаль. Суд Валожынскага раёну адправіў справу супраць Тэрэсы Собаль на перагляд. Спадарыня Собаль падтрымлівае непрызнаваны ўладамі Саюз палякаў на чале з Анжалікай Борыс. У афіцыйным Саюзе лічаць, што Тарэса Собаль своечасова не вызваліла Дом польскі ў Івянцы, сёння на будынак накладзены судом арышт і ён апячатаны. Тым часам зранку былі затрыманыя Анжаліка Борыс, Андрэй Пачобут, Ігар Банцар, Мечыслаў Яскевіч — усяго 40 чалавек, а таксама Анатоль Лябедзька. Яны ехалі ў Валожын на судовы працэс наконт Польскага дома ў Івянцы. Прапануем вашай увазе онлайн-рэпартаж з месца падзей.

Анжаліцы Борыс далі 1 млн 50 тыс. штрафу (30 базавых велічыняў), Андрэй Пачобут арыштаваны на 5 сутак. Ірэну Валюсь абвінавачваюць у чыненні перашкод супрацоўнікам міліцыі. На яе быў складзены пратакол, пасля чаго рэдактарку газеты СПБ «Głos znad Niemna na uchodźstwie» адпусцілі.

13:04

Ірэну Валюсь не выпусцілі, але людзі пачалі разыходзіцца. Тым часам асуджаны на 5 сутак адміністрацыйнага арышту прэс-сакратар СПБ Ігар Банцар абвясціў галадоўку.

12:38

Суд скончыўся, а справу адправілі на перагляд, паколькі адвакат Тарэсы Собаль Аляксандр Галіеў прадставіў дакументы, што апісванне маёмасці прайшло няправільна.

Людзі, што сабраліся вакол суда, пакуль не разыходзяцца, яны патрабуюць вызваліць затрыманую і збітую рэдактарку газеты «Głos znad Niemna na uchodźstwie» Ірэну Валюсь.

Міліцыя папярэджвае, што калі людзі не разыдуцца, то будзе ўжыта сіла.

12:21

Ірэна Валюсь — галоўны рэдактар газеты СПБ «Głos znad Niemna na uchodźstwie» паспрабавала прайсці ў суд, але міліцыянты яе брутальна павалілі і павалаклі ў будынак. Тым часам з суда выходзяць сведкі абвінавачвання. Людзі ім скандуюць «Ганьба!»

12:03

Прэс-сакратар неафіцыйнага Саюза палякаў Ігар Банцар асуджаны на 5 сутак арышту за арганізацыю акцыі падтрымкі Тарэсы Собаль 10 лютага ў Гродне.

Зараз судзяць астатніх чальцоў кіраўніцтва неафіцыйнага СПБ.

11:27

Перад дзвярыма суда стаяць крэпкія мардавароты і нікога з сяброў непрызнаванага ўладамі СПБ — а іх у Валожын прарвалася 30 чалавек — у суд не пускаюць. Прапусцілі толькі адвакатку.

Міліцыя кажа, што не пускаюць таму, бо «вучэнні ідуць», пускаць будуць толькі з позвай. Але пускаць будуць толькі сведкаў з боку абвінавачвання. Той жа Пачобут меўся ўзяць удзел у судзе як сведка з боку абароны, але яго затрымалі па дарозе ў Валожын.

Пад дзвярыма суда стаяць каля 30 чалавек — усе прадстаўнікі неафіцыйнага Саюза палякаў, нікога з афіцыйнага няма. Людзі кажуць, што будуць стаяць пакуль не выпусцяць Тарэсу Собаль.

Затрыманы Анатоль Лябедзька. Ён фатаграфаваў на мабільнік дзеянні міліцыянтаў. Цяпер палітык знаходзіцца ў Валожынскім РАУСе.

Апроч таго, два трактары сабралі ўвесь снег на плошчу перад будынкам суда, і машынамі да яго не пад’ехаць.

* * *

У Валожын меліся прыехаць сябры неафіцыйнага Саюза палякаў, каб падтрымаць Тарэсу Собаль, але зараз горад блакаваны міліцыяй, якая ставіць на мэце не дапусціць удзелу ў судовым пасяджэнні сяброў неафіцыйнага СПБ.

На пад’ездзе да горада было затрыманае амаль усё кіраўніцтва неафіцыйнага СПБ. У прыватнасці, затрымана лідэрка СПБ Анжаліка Борыс. Яе прымусілі выключыць мабільны тэлефон і цяпер вязуць у Валожынскі РУУС.

У Гродне раней былі затрыманы прэс‑сакратар непрызнаванага СПБ Ігар Банцар, а па дарозе у Валожын — Мечыслаў Яскевіч і Андрэй Пачобут. Усяго ў апорны пункт каля Валожына даставілі 40 чалавек.

Андрэй Пачобут перасеў у іншую машыну, што праязджала міма. Але ў раёне Іўя другую машыну таксама спынілі. Міліцыянты сказалі, што Пачобут нагадвае ім чалавека, які здзейсніў разбойны напад. Цяпер яго вязуць назад у Гродна.

Каментары23

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Усе навіны →
Усе навіны

Ветэрану з Гродна 97 гадоў — у 1945-м ахоўваў мост пад Ніжнім Ноўгарадам, а пасля вайны змагаўся з «бандэраўцамі»19

Анархісту ў Расіі далі 16 гадоў за падпал ваенкамата. Ён збег у Бішкек, яго злавілі і дэпартавалі

Брусэль плануе скараціць дыпперсанал у Беларусі11

Чарговы беларускі трэнер узначаліў кіпрскі «Арыс»

Колькі шэнгенскіх віз атрымалі беларусы ў 2024 годзе і якія краіны іх часцей выдаюць?9

Адзінаццаць гадоў Лукашэнка развівае гарады-спадарожнікі. Пакуль атрымліваецца не вельмі

У ЕС узгаднілі адмену штампаў на мяжы Шэнгену1

Людзі ў шоку ад таго, колькі каштуе восем дзён плыць па рэках Палесся на цеплаходзе «Белая Русь»13

Беларус знайшоў на набытым участку дзіўныя рэчы на выпадак апакаліпсісу1

больш чытаных навін
больш лайканых навін

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7

Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»

Галоўнае
Усе навіны →

Заўвага:

 

 

 

 

Закрыць Паведаміць