Rok-kancerty
3 červienia ŭ mienskim klubie «Step» vystupajuć «Sinica», «Irys», «Biełyja tvary». 4 červienia ŭ Homieli — «Lapis Trubiackoj». U toj ža dzień naša etna-tryjo «Troica» biare ŭdzieł u festyvali «Etnastyl» u Sankt-Pieciarburhu. Darečy, Kirčuk z kamandaj vystupiać i ŭ Padmaskoŭi na festyvali «Pustyja ŭzhorki-2005».
Alternatyvy na «20 sm» u stalicy dadaduć bieraściejcy z «Daj darohu». Ich vystup u «Reaktary» — 3 červienia. A ŭžo 9-ha — festyval «Prodvižienije». Praciah letašniaj mižnarodnaj «Treciaj piatki» taksama pierajechaŭ u «Reaktar» razam z «Kukłami», «Niestandartnym varyjantam», «IQ-48», «Nahualem» i šmat kim jašče. Pačatak a 17-j.
Paśla admieny kancertu «Krambambuli» kiraŭnik «BMA-hrup» Vital Supranovič ličyć za lepšaje nie zahadvać napierad. Na červień planujecca pakul chiba vychad novaha albomu «Partyzonaŭ» i padrychtoŭka da «Basovišča».
Pop: Navumienka i Bierkut
Asnoŭnyja mienskija zali na pieršuju pałovu červienia pazajmajuć hastralory z Rasiei. 7-ha ŭ Pałacy Respubliki śpiavaje Sukačoŭ. 8 i 9 tam ža, ale ŭ małoj zali, teatar «La Mikickaj bramy» z Maskvy. Pieršy dzień piajuć «Pieśni našaha dvara», u druhi — hrajuć Michoełsa.
Adzinyja, chto zmoža paciaśnić zaježdžych, — Jakaŭ Navumienka i viečaryna «Byvaj, škoła» — 27 červienia. U vypusknym, što maje adbycca 16-ha tam ža, biaruć
udzieł Volha Płotnikava, Saša Nema dy «Čuk i Hiek».
Ź viečnaściu — Bykaŭ. Ekskluzivy červienia
U Miensku zaviaršajecca retraspekcyja filmaŭ z udziełam italjanca Vitoryjo Hasmana «Antalohija rolaŭ. 1966—1986». U šerahu absalutnych ekskluzivaŭ majecie mahčymaść prahledzieć 2 červienia apošniuju stužku forumu — «My tak kachali adno adnaho» (1974) režysera Etore Skoła. Pačatak u 18.30 u «Pieramozie».
Jašče adna absalutna ekskluziŭnaja reč — vystavy-pryśviačeńni Vasilu Bykavu ŭ mienskim Pałacy mastactvaŭ na Kazłova i ŭ Dolnaj zali Čyrvonaha kaściołu. Pakazvajuć hrafiku, žyvapis, skulpturu, pryśviečanuju «załučanamu ź viečnaściu».
U Miensku «Vialikija bubny Tokijo». 30 červienia na «Dynama». Košt — ad 6 da 16 tysiač.
Teatry: parad premjeraŭ
Mienavita takaja vysnova pryjšła pa vyvučeńni repertuaraŭ mienskich teatraŭ. Ci naŭmysna, ci niezaležna adzin ad adnaho ŭ červieni praktyčna ŭsie pakazvajuć svaje premjery sezonu. U Kupałaŭskim miesiac pačynajecca i zakančvajecca «Čyčykavym». Hustoŭny, vytrymany i całkam klasyčny spektakl. Nia mienš uražvaje i pjesa pavodle Toma Stoparda «Ŭvachodzić svabodny čałaviek». Hladzicca jak himn marnaści. Taksama hledźma ŭ Kupałaŭcaŭ «Eryka CHIV» i «Ivonu, pryncesu Burhundzkuju» pavodle V.Hambroviča. Premjery kaštujuć da 8 tys.
Respublikanski teatar biełaruskaj dramaturhii daje «Paradoksy žarści» K.Frešeta (3-ha,
13-ha), «Valancinu» A.Vampiłava (7-ha), «Mistera Rozyhryšu» S.Kandrašova (9-ha, 20-ha), Kurejčykavaha «Pjemonckaha źviera» (21-ha), makajonkaŭski «Trybunał» (22-ha) i «Kabału śviatoš» Maljera ŭ apracoŭcy M.Bułhakava (23-ha).
U Opery zakančvajecca 72-hi sezon. U jakaści prezentavanaj premjery — «Karmen» Bize. Spektakl doŭžycca 3,5 hadziny. Dla hustoŭnych amataraŭ. U Muzteatry — «Kazka pra zasnułuju pryhažuniu», 14 červienia.
U Teatry-studyi kinaaktora pakul nia vyznačylisia z dataj, ale dakładna, što ŭ červieni hladač ubačyć «Vielmi prostuju historyju» M.Łado. U teatry imia Horkaha čakajucca «Dziadziečkaŭ son» pavodle Dastajeŭskaha i «Vypadkovy vals». Taksama varta acanić «Operu žabrakoŭ» Bertolda Brechta i Kurta Vajla. I Šadźko, i Čekieres — abodva vydatna režuć rolu Meki-Naža. Ceny horkaŭskaha teatru — 4—8 tys. rubloŭ.
Mamanty i cyrulniki
3—4 červienia ŭ Miensku majuć adbycca adrazu dźvie padobnyja padziei. Adkryty čempijanat Biełarusi pa cyrulnickim majsterstvie (Pałac dziaciej i moładzi, Staravilenski trakt). Bolš adviazny — «Mamant-2005». Tam možna ŭbačyć i bodzi-art, i tatuiroŭki, i cyrulnictva.
Biełastoččyna ŭ červieni
3 červienia na polskim baku Biełaviežy adbudziecca akcyja školnych i moładzievych ekalahičnych arhanizacyj «Ratujma Biełavieskuju pušču!» Imprezu ładziać u miežach «Hodu zubra», što pravodzicca sioleta ŭ Polščy.
Ad 9 krasavika dla polskich i zamiežnych turystaŭ, što žadajuć paznajomicca z naskaju Biełaviežaju, zrabili sproščany režym pierachodu miažy. Pa-partyzansku praz pušču z zamiežnym pašpartam i biełaruskaj vizaj hrupa ad 4 čałaviek i bolej patrapić u biełaruskija Kamianiuki. Ceny na žytło dla haściej — ad 17 eŭra z čałavieka da 215 — za pražyvańnie hrupy ŭ Pałacy hrafa Tyškieviča. Biełarusy ž mohuć pavandravać pa polskaj Amazoncy — Dvorku nad Łukami. Košty dla našych — ad 40 eŭra za adnamiesny numar da 100 za «luks» na čałavieka.
3—5 červienia ŭ Čaromsie — dziasiatyja «Falklornyja sustrečy». A 19-ha ŭ Biełastoku — čarhovaje, dvaccataje pa liku, «Śviata biełaruskaj kultury». Arhanizatar — Biełaruskaje hramadzka-kulturnaje tavarystva. A pačynajučy z 20 červienia, ledź nie pa ŭsioj Biełastoččynie buduć śviatkavać Kupalle. U stalicy Padlaskaha vajavodztva pačniecca dziejstva «Kirmašom na Jana», jakoje praz čatyry dni — 24—26 červienia — piarojdzie ŭ tradycyjnyja Dni Biełastoku.
Siarhiej Denski
▶
EŬRAPIEJSKAJA AFIŠA
Aŭstryja
Śviata Dunajskaj vyspy, 24—26 červienia, Viena
Vyspa taja — miž dvuma vienskimi mastami. Jechać na śviata treba ŭ spartyŭnym abutku: tancavać sučasnyja tancy i tradycyjny vals treba budzie try dni i dźvie nočy.
http://www.donauinselfest.at/
Belhija
Muzyčnyja festyvali ŭ Bruseli
5 červienia štohod 10 000 čałaviek źbirajucca na śviata Bruselskaha portu. Žyvaja muzyka, kupańnie, mini-kruizy, dalikatesy nacyjanalnaj kuchni. 17—20 červienia — štohadovaje śviata muzyki ŭ centry Bruselu. Pop, džaz, chip-chop i lubimy belhijcami francuski šanson.
http://www.conseildelamusique.be/
http://www.brucity.be/
Vialikabrytanija
Festyval žyvoj historyi, 12—13 červienia, Oksburh-choł (Norfałk)
Dakładnaje ŭznaŭleńnie pobytu, sytuacyj, charaktaraŭ, vopratki epochi Ciudoraŭ.
http://www.nationaltrust.org.uk/scripts
nthandbook.dll?ACTION=PROPERTY&
PropertyId=54
Festyval raki Mersi, 18—21 červienia, Liverpul
Parady karabloŭ, łodačnyja honki, kirmašy, matroskija pieśni, pakazalnyja vystupy marskich pechacincaŭ dy bitva na haleonach i muzyčny fajerverk.
http://www.liverpool08.com/root/Events/Sea_Liverpo-ol
Hiermanija
Festyval na Elbie, červień, Saksonija
Tema festyvalu — tvorčaść Frydrycha Šylera, sioleta spaŭniajecca 200 hadoŭ z dnia jahonaj śmierci. http://www.elbhangfest.de/
Kilski tydzień, 18—26 červienia, Kil
Śviata składajecca ź dźviuch častak — spabornictvaŭ jachtsmenaŭ i vuličnych hulańniaŭ. Kilskaja rehata — nieaficyjny suśvietny čempijanat siarod amataraŭ i prafesijanałaŭ parusnaha sportu. Zaviaršajecca tydzień samym pryhožym u Eŭropie fajerverkam.
http://www.kieler-woche.de/
Hišpanija
San-Chuan-fijesta, 23—24 červienia, Madryd, Alikante, Sarahosa
Hišpanskaje Kupalle. Usiu noč harać vohniščy na płoščach i vulicach haradoŭ, cieraz ahoń skačuć ludzi, hrymić muzyka, zaviaršajecca noč fajerverkam. U Alikante 20 lipienia adbudziecca parad vołataŭ, zroblenych z papje-maše, jakija buduć spaleny ŭ noč z 23 na 24 červienia.
http://www.alicanteturismo.com/
«Maŭry i chryścijanie», 9—12 červienia, Alikante
Na vulicach horadu razyhryvajecca vidoviščnaja bitva 1276 hodu, u jakoj maŭry byli razhromleny hišpancami. Pavodle lehiendy, atrymać pieramohu dapamoh śviaty Jury, jaki źjaviŭsia voinam i natchniŭ ich na pieramohu słovami «Z nami Boh, z nami pieramoha!». Nazirać lepš za ŭsio z balkonaŭ, arandavać jakija nieabchodna zahadzia.
http://www.alicanteturismo.com/
Hrecyja
Festyval antyčnaj dramy, 24 červienia — 27 žniŭnia, Epidaŭr
Dziesiać spektaklaŭ, jakija pačynajucca na źmiarkańni i zaviaršajucca bližej da poŭnačy, u tym liku «Car Edyp» i «Antyhona» Safokła, «Vakchanki» Eŭrypida ŭ vykanańni Nacyjanalnaha teatru Hrecyi.
http://www.greekfestival.gr/
Danija
Festyval vikinhaŭ, 17 červienia—3 lipienia, Frederyksund
Festyval i kirmaš vikinhaŭ, 21 červienia — 3 lipienia, Olbarh
http://www.aalborg-tourist.dk/ref.aspx?id=995
Italija
Festyval śviatoha Iaana, 24 červienia, Flarencyja, Turyn i inš. harady
Kožny hod 24 červienia Flarencyja nadziavaje karnavalnyja kaściumy. A jašče ŭ hety dzień abaviazkova buduć hulać u «Calcio» na centralnaj płoščy. «Calcio» «(ad it. salciare — bić nahoj) ličycca papiarednikam sučasnaha futbołu.
http://www.enit.it/
Operny festyval, 17 červienia — 31 žniŭnia, Verona
Pravodzicca ŭ staradaŭnim amfiteatry «Arena dzi Verona» (pabudavany ŭ I stahodździ n.e.) na 16 000 hledačoŭ. Sioleta dajuć «Bahiemu» i «Turandot», «Nabuku» i «Aidu». Adkryjecca festyval operaj «Džakonda» Amilkara Pankjeli.
http://www.arena.it/eng/arenaeng.
Niderlandy
Festyval pavietranych źmiejaŭ, 11—12 červienia, Haaha
Kamandy z 20 krain śvietu, niekalki socień źmiejaŭ.
http://www.scheveningen.nl/
Halandzki fest, 1—26 červienia, Amsterdam
Halandzki fest vyznačaje novyja tendencyi ŭ sučasnym dramatyčnym mastactvie, opery, muzycy, tancy. Kultyvujucca miašanyja žanry i eksperymenty. Bilety na fest — ad 50 da 70 eŭra.
http://www.hollandfestival.nl/holnd_fstvl/
Polšča
Festyval Mocarta, 15 červienia — 26 lipienia, Varšava
http://www.wok.pol.pl
oda_eng_program.htm
Finlandyja
Karnavał samby, 10—12 červienia, Chelsynki
http://www.samba.fi/
Śviata Juchanus (Ivanaŭ dzień), 24 červienia, vostraŭ Seŭrasaary
Finskaje kupalle. Na vostravie Seŭrasaary, u muzei draŭlanaha dojlidztva pad adkrytym niebam, raspalvajuć hihanckaje vohnišča, vakoł jakoha buduć razhortvacca asnoŭnyja padziei. Kirmaš nacyjanalnych ramiostvaŭ, falklornyja kalektyvy i pyšnyja cyrymonii viančańnia. Ličycca, što lubaja dziaŭčyna maryć vyjści zamuž mienavita ŭ hety dzień i mienavita na vostravie Seŭrasaary.
http://www.nba.fi
enseurasaari_openairmuseum
Francyja
Paryž: džazavy festyval, 4 červienia — 24 lipienia
Śviata muzyki, 21 červienia
Fajerverk u dzień letniaha soncastajańnia, 24 červienia
http://www.ratp.fr/index_eng.htm
Čechija
Festyval «Tanieć Praha», 2—30 červienia, Praha
Prezentacyja sučasnaha prafesijnaha tancu. Adkryvajecca festyval vystupleńniem Teatru tancu z Tajvaniu.
http://www.tanecpha.cz/
Švajcaryja
Festyval švajcarskaha piva, 2—5 červienia, Lazana
Dehustacyi padtrymlivajucca raznastajnymi muzyčnymi prahramami, vystaŭkami i kirmašami.
http://www.fetedelabiere.ch/photos.html
Švecyja
Nacyjanalny dzień Švecyi, 6 červienia
U Nacyjanalny dzień švedy nadziavajuć nacyjanalnyja kaściumy, hatujuć nacyjanalnyja stravy i ŭdzielničajuć u ahulnych vuličnych zabavach. Hałoŭnaje ž śviata prachodzić u najstarejšym horadzie Švecyi — Syhtuna, jaki nazyvajuć jašče «horadam u tabakiercy» i jaki ličycca pieršaj stalicaj švedzkaj dziaržavy (zasnavany ŭ 980 hodzie). Tam adbudziecca nievialiki parad, falklornaje śviata, buduć pracavać knižny rynak i kirmaš vyrabaŭ ručnoj raboty.
Kamientary