Афіша чэрвеня

Рок-канцэрты

3 чэрвеня ў менскім клюбе «Стэп» выступаюць «Сініца», «Ірыс», «Белыя твары». 4 чэрвеня ў Гомелі — «Ляпіс Трубяцкой». У той жа дзень наша этна-трыё «Троіца» бярэ ўдзел у фэстывалі «Этнастыль» у Санкт-Пецярбургу. Дарэчы, Кірчук з камандай выступяць і ў Падмаскоўі на фэстывалі «Пустыя ўзгоркі-2005».

Альтэрнатывы на «20 см» у сталіцы дададуць берасьцейцы з «Дай дарогу». Іх выступ у «Рэактары» — 3 чэрвеня. А ўжо 9-га — фэстываль «Продвижение». Працяг леташняй міжнароднай «Трэцяй пяткі» таксама пераехаў у «Рэактар» разам з «Куклами», «Нестандартным варыянтам», «IQ-48», «Нагуалем» і шмат кім яшчэ. Пачатак а 17-й.

Пасьля адмены канцэрту «Крамбамбулі» кіраўнік «БМА-груп» Віталь Супрановіч лічыць за лепшае не загадваць наперад. На чэрвень плянуецца пакуль хіба выхад новага альбому «Партызонаў» і падрыхтоўка да «Басовішча».

Поп: Навуменка і Беркут

Асноўныя менскія залі на першую палову чэрвеня пазаймаюць гастралёры з Расеі. 7-га ў Палацы Рэспублікі сьпявае Сукачоў. 8 і 9 там жа, але ў малой залі, тэатар «Ля Мікіцкай брамы» з Масквы. Першы дзень пяюць «Песьні нашага двара», у другі — граюць Міхоэлса.

Адзіныя, хто зможа пацясьніць заежджых, — Якаў Навуменка і вечарына «Бывай, школа» — 27 чэрвеня. У выпускным, што мае адбыцца 16-га там жа, бяруць

удзел Вольга Плотнікава, Саша Нэма ды «Чук і Гек».

Зь вечнасьцю — Быкаў. Эксклюзівы чэрвеня

У Менску завяршаецца рэтраспэкцыя фільмаў з удзелам італьянца Віторыё Гасмана «Анталёгія роляў. 1966—1986». У шэрагу абсалютных эксклюзіваў маеце магчымасьць прагледзець 2 чэрвеня апошнюю стужку форуму — «Мы так кахалі адно аднаго» (1974) рэжысэра Эторэ Скола. Пачатак у 18.30 у «Перамозе».

Яшчэ адна абсалютна эксклюзіўная рэч — выставы-прысьвячэньні Васілю Быкаву ў менскім Палацы мастацтваў на Казлова і ў Дольнай залі Чырвонага касьцёлу. Паказваюць графіку, жывапіс, скульптуру, прысьвечаную «залучанаму зь вечнасьцю».

У Менску «Вялікія бубны Токіё». 30 чэрвеня на «Дынама». Кошт — ад 6 да 16 тысяч.

Тэатры: парад прэм’ераў

Менавіта такая выснова прыйшла па вывучэньні рэпэртуараў менскіх тэатраў. Ці наўмысна, ці незалежна адзін ад аднаго ў чэрвені практычна ўсе паказваюць свае прэм’еры сэзону. У Купалаўскім месяц пачынаецца і заканчваецца «Чычыкавым». Густоўны, вытрыманы і цалкам клясычны спэктакль. Ня менш уражвае і п’еса паводле Тома Стопарда «Ўваходзіць свабодны чалавек». Глядзіцца як гімн марнасьці. Таксама гледзьма ў Купалаўцаў «Эрыка ХІV» і «Івону, прынцэсу Бургундзкую» паводле В.Гамбровіча. Прэм’еры каштуюць да 8 тыс.

Рэспубліканскі тэатар беларускай драматургіі дае «Парадоксы жарсьці» К.Фрэшэта (3-га,

13-га), «Валянціну» А.Вампілава (7-га), «Містэра Розыгрышу» С.Кандрашова (9-га, 20-га), Курэйчыкавага «П’емонцкага зьвера» (21-га), макаёнкаўскі «Трыбунал» (22-га) і «Кабалу сьвятош» Мальера ў апрацоўцы М.Булгакава (23-га).

У Опэры заканчваецца 72-гі сэзон. У якасьці прэзэнтаванай прэм’еры — «Кармэн» Бізэ. Спэктакль доўжыцца 3,5 гадзіны. Для густоўных аматараў. У Музтэатры — «Казка пра заснулую прыгажуню», 14 чэрвеня.

У Тэатры-студыі кінаактора пакуль ня вызначыліся з датай, але дакладна, што ў чэрвені глядач убачыць «Вельмі простую гісторыю» М.Ладо. У тэатры імя Горкага чакаюцца «Дзядзечкаў сон» паводле Дастаеўскага і «Выпадковы вальс». Таксама варта ацаніць «Опэру жабракоў» Бэртольда Брэхта і Курта Вайля. І Шадзько, і Чэкерэс — абодва выдатна рэжуць ролю Мэкі-Нажа. Цэны горкаўскага тэатру — 4—8 тыс. рублёў.

Маманты і цырульнікі

3—4 чэрвеня ў Менску маюць адбыцца адразу дзьве падобныя падзеі. Адкрыты чэмпіянат Беларусі па цырульніцкім майстэрстве (Палац дзяцей і моладзі, Старавіленскі тракт). Больш адвязны — «Мамант-2005». Там можна ўбачыць і бодзі-арт, і татуіроўкі, і цырульніцтва.

Беласточчына ў чэрвені

3 чэрвеня на польскім баку Белавежы адбудзецца акцыя школьных і моладзевых экалягічных арганізацый «Ратуйма Белавескую пушчу!» Імпрэзу ладзяць у межах «Году зубра», што праводзіцца сёлета ў Польшчы.

Ад 9 красавіка для польскіх і замежных турыстаў, што жадаюць пазнаёміцца з наскаю Белавежаю, зрабілі спрошчаны рэжым пераходу мяжы. Па-партызанску праз пушчу з замежным пашпартам і беларускай візай група ад 4 чалавек і болей патрапіць у беларускія Камянюкі. Цэны на жытло для гасьцей — ад 17 эўра з чалавека да 215 — за пражываньне групы ў Палацы графа Тышкевіча. Беларусы ж могуць павандраваць па польскай Амазонцы — Дворку над Лукамі. Кошты для нашых — ад 40 эўра за аднамесны нумар да 100 за «люкс» на чалавека.

3—5 чэрвеня ў Чаромсе — дзясятыя «Фальклёрныя сустрэчы». А 19-га ў Беластоку — чарговае, дваццатае па ліку, «Сьвята беларускай культуры». Арганізатар — Беларускае грамадзка-культурнае таварыства. А пачынаючы з 20 чэрвеня, ледзь не па ўсёй Беласточчыне будуць сьвяткаваць Купальле. У сталіцы Падляскага ваяводзтва пачнецца дзейства «Кірмашом на Яна», якое праз чатыры дні — 24—26 чэрвеня — пяройдзе ў традыцыйныя Дні Беластоку.

Сяргей Дэнскі

▶

ЭЎРАПЕЙСКАЯ АФІША

Аўстрыя

Сьвята Дунайскай выспы, 24—26 чэрвеня, Вена

Выспа тая — між двума венскімі мастамі. Ехаць на сьвята трэба ў спартыўным абутку: танцаваць сучасныя танцы і традыцыйны вальс трэба будзе тры дні і дзьве ночы.

http://www.donauinselfest.at/

Бэльгія

Музычныя фэстывалі ў Брусэлі

5 чэрвеня штогод 10 000 чалавек зьбіраюцца на сьвята Брусэльскага порту. Жывая музыка, купаньне, міні-круізы, далікатэсы нацыянальнай кухні. 17—20 чэрвеня — штогадовае сьвята музыкі ў цэнтры Брусэлю. Поп, джаз, хіп-хоп і любімы бэльгійцамі францускі шансон.

http://www.conseildelamusique.be/

http://www.brucity.be/

Вялікабрытанія

Фэстываль жывой гісторыі, 12—13 чэрвеня, Оксбург-хол (Норфалк)

Дакладнае ўзнаўленьне побыту, сытуацый, характараў, вопраткі эпохі Цюдораў.

http://www.nationaltrust.org.uk/scripts

nthandbook.dll?ACTION=PROPERTY&

PropertyId=54

Фэстываль ракі Мэрсі, 18—21 чэрвеня, Лівэрпуль

Парады караблёў, лодачныя гонкі, кірмашы, матроскія песьні, паказальныя выступы марскіх пэхацінцаў ды бітва на галеонах і музычны фаервэрк.

http://www.liverpool08.com/root/Events/Sea_Liverpo-ol

Германія

Фэстываль на Эльбе, чэрвень, Саксонія

Тэма фэстывалю — творчасьць Фрыдрыха Шылера, сёлета спаўняецца 200 гадоў з дня ягонай сьмерці. http://www.elbhangfest.de/

Кільскі тыдзень, 18—26 чэрвеня, Кіль

Сьвята складаецца зь дзьвюх частак — спаборніцтваў яхтсмэнаў і вулічных гуляньняў. Кільская рэгата — неафіцыйны сусьветны чэмпіянат сярод аматараў і прафэсіяналаў паруснага спорту. Завяршаецца тыдзень самым прыгожым у Эўропе фаервэркам.

http://www.kieler-woche.de/

Гішпанія

Сан-Хуан-фіеста, 23—24 чэрвеня, Мадрыд, Алікантэ, Сарагоса

Гішпанскае Купальле. Усю ноч гараць вогнішчы на плошчах і вуліцах гарадоў, цераз агонь скачуць людзі, грыміць музыка, завяршаецца ноч фаервэркам. У Алікантэ 20 ліпеня адбудзецца парад волатаў, зробленых з пап’е-машэ, якія будуць спалены ў ноч з 23 на 24 чэрвеня.

http://www.alicanteturismo.com/

«Маўры і хрысьціяне», 9—12 чэрвеня, Алікантэ

На вуліцах гораду разыгрываецца відовішчная бітва 1276 году, у якой маўры былі разгромлены гішпанцамі. Паводле легенды, атрымаць перамогу дапамог сьвяты Юры, які зьявіўся воінам і натхніў іх на перамогу словамі «З намі Бог, з намі перамога!». Назіраць лепш за ўсё з бальконаў, арандаваць якія неабходна загадзя.

http://www.alicanteturismo.com/

Грэцыя

Фэстываль антычнай драмы, 24 чэрвеня — 27 жніўня, Эпідаўр

Дзесяць спэктакляў, якія пачынаюцца на зьмярканьні і завяршаюцца бліжэй да поўначы, у тым ліку «Цар Эдып» і «Антыгона» Сафокла, «Вакханкі» Эўрыпіда ў выкананьні Нацыянальнага тэатру Грэцыі.

http://www.greekfestival.gr/

Данія

Фэстываль вікінгаў, 17 чэрвеня—3 ліпеня, Фрэдэрыксунд

Фэстываль і кірмаш вікінгаў, 21 чэрвеня — 3 ліпеня, Ольбарг

http://www.aalborg-tourist.dk/ref.aspx?id=995

Італія

Фэстываль сьвятога Іаана, 24 чэрвеня, Флярэнцыя, Турын і інш. гарады

Кожны год 24 чэрвеня Флярэнцыя надзявае карнавальныя касьцюмы. А яшчэ ў гэты дзень абавязкова будуць гуляць у «Calcio» на цэнтральнай плошчы. «Calcio» «(ад іт. сalciare — біць нагой) лічыцца папярэднікам сучаснага футболу.

http://www.enit.it/

Опэрны фэстываль, 17 чэрвеня — 31 жніўня, Вэрона

Праводзіцца ў старадаўнім амфітэатры «Арэна дзі Вэрона» (пабудаваны ў I стагодзьдзі н.э.) на 16 000 гледачоў. Сёлета даюць «Багему» і «Турандот», «Набуку» і «Аіду». Адкрыецца фэстываль опэрай «Джаконда» Амількара Панк’елі.

http://www.arena.it/eng/arenaeng.

Нідэрлянды

Фэстываль паветраных зьмеяў, 11—12 чэрвеня, Гаага

Каманды з 20 краін сьвету, некалькі соцень зьмеяў.

http://www.scheveningen.nl/

Галяндзкі фэст, 1—26 чэрвеня, Амстэрдам

Галяндзкі фэст вызначае новыя тэндэнцыі ў сучасным драматычным мастацтве, опэры, музыцы, танцы. Культывуюцца мяшаныя жанры і экспэрымэнты. Білеты на фэст — ад 50 да 70 эўра.

http://www.hollandfestival.nl/holnd_fstvl/

Польшча

Фэстываль Моцарта, 15 чэрвеня — 26 ліпеня, Варшава

http://www.wok.pol.pl

oda_eng_program.htm

Фінляндыя

Карнавал самбы, 10—12 чэрвеня, Хэльсынкі

http://www.samba.fi/

Сьвята Юханус (Іванаў дзень), 24 чэрвеня, востраў Сэўрасаары

Фінскае купальле. На востраве Сэўрасаары, у музэі драўлянага дойлідзтва пад адкрытым небам, распальваюць гіганцкае вогнішча, вакол якога будуць разгортвацца асноўныя падзеі. Кірмаш нацыянальных рамёстваў, фальклёрныя калектывы і пышныя цырымоніі вянчаньня. Лічыцца, што любая дзяўчына марыць выйсьці замуж менавіта ў гэты дзень і менавіта на востраве Сэўрасаары.

http://www.nba.fi

enseurasaari_openairmuseum

Францыя

Парыж: джазавы фэстываль, 4 чэрвеня — 24 ліпеня

Сьвята музыкі, 21 чэрвеня

Фаервэрк у дзень летняга сонцастаяньня, 24 чэрвеня

http://www.ratp.fr/index_eng.htm

Чэхія

Фэстываль «Танець Прага», 2—30 чэрвеня, Прага

Прэзэнтацыя сучаснага прафэсійнага танцу. Адкрываецца фэстываль выступленьнем Тэатру танцу з Тайваню.

http://www.tanecpha.cz/

Швайцарыя

Фэстываль швайцарскага піва, 2—5 чэрвеня, Лязана

Дэгустацыі падтрымліваюцца разнастайнымі музычнымі праграмамі, выстаўкамі і кірмашамі.

http://www.fetedelabiere.ch/photos.html

Швэцыя

Нацыянальны дзень Швэцыі, 6 чэрвеня

У Нацыянальны дзень швэды надзяваюць нацыянальныя касьцюмы, гатуюць нацыянальныя стравы і ўдзельнічаюць у агульных вулічных забавах. Галоўнае ж сьвята праходзіць у найстарэйшым горадзе Швэцыі — Сыгтуна, які называюць яшчэ «горадам у табакерцы» і які лічыцца першай сталіцай швэдзкай дзяржавы (заснаваны ў 980 годзе). Там адбудзецца невялікі парад, фальклёрнае сьвята, будуць працаваць кніжны рынак і кірмаш вырабаў ручной работы.

• 0
• 0
• 0
• 0
• 0
• 0
• 0
• 0