U Hiermanii z-za ekstremalnaj śpiakoty rabotnikam darožnych słužbaŭ daviałosia vykarystoŭvać techniku zimovaj słužby nie pa siezonie.
Tak, u Ciurynhii mašyny, jakija zvyčajna pracujuć zimoj, ciapier raspylajuć vadu na pierahretaje asfaltavaje pakryćcio. Tak ułady sprabujuć astudzić darožnaje pakryćcio i nie dapuścić zakryćcia daroh, jak heta ŭžo zdarałasia padčas papiarednich chvalaŭ śpiakoty, piša Bild.
Prablema ŭ tym, što pry vysokaj tempieratury bitum u asfalcie raźmiakčajecca i moža vychodzić na pavierchniu. Daroha stanovicca lipkaj, na joj źjaŭlajucca defarmacyi, a ciažkija mašyny chutka razburajuć pakryćcio. Padobnyja miery testujucca i ŭ inšych rehijonach, u tym liku ŭ Paŭnočnym Rejnie-Viestfalii i ŭ Hiesenie.
Śpioka ŭžo pryviała da realnych pierakryćciaŭ. Tak, u Hamburhu z-za paškodžańnia asfaltu zakryli pałasu ruchu prykładna bolš čym na dva kiłamietry, papiarednie da paniadziełka. Na starych bietonnych učastkach niebiaśpieka inšaja — plity pašyrajucca, uspušvajucca i treskajucca.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary