Nia lepšyja časy pieražyvaje Aršanski lnokambinat — flahman ajčynnaj lohkaj pramysłovaści.
Źnizilisia tempy rostu vytvorčaści, u tym liku spažyvieckich tavaraŭ. Pryčyna admoŭnych tendencyj u tekstylnaj pramysłovaści — sytuacyja na suśvietnym rynku lnianoha tekstylu.
1 studzienia z pryčyny ŭstupleńnia Kitaju ŭ SHA admienieny kvoty na pastaŭku kitajskaha tekstylu na rynki krain EZ i Turcyi, što destabilizavała suśvietny tekstylny rynak. Pavodle Eŭrakamisii, ekspart kitajskaha tekstylu ŭ krainy EZ sa studzienia pa krasavik uzros pa asobnych katehoryjach na 900—1000%.
Kitajskija ekspartery pastaŭlajuć nia tolki tkaniny, ale j hatovaje adzieńnie, u suviazi z čym najbujniejšyja vytvorcy hatovaha adzieńnia EZ i Turcyi značna źnizili abjomy zakupak ilnianych tkanin u Biełarusi. Kitajskija ekspartery dla prasoŭvańnia svajoj pradukcyi na suśvietny rynak značna źnižajuć ceny na jaje.
Usie hetyja fakty admoŭna adbilisia na abjomach prodažu bytavych tkanin ilnokambinatu ŭ dalokaje zamiežža. Sioleta jany składajuć krychu bolš za pałovu letašnich. Źniziŭsia na 20% i abjom prodažu tkanin u krainy SND. Pavialičyŭsia krychu prodaž na ŭnutranym rynku, ale jaho pavieličeńnie nie kampensuje strat ad zhuby rynkaŭ krain dalokaha zamiežža.
Praź źmianšeńnie popytu na lnianyja tkaniny dy pavieličeńnie zapasaŭ hatovaj pradukcyi rezka pahoršyłasia finansava-ekanamičnaje stanovišča lnokambinatu. Pradpryjemstva akramia zarpłaty — pačalisia navat zatrymki ź jaje vypłataj — nia maje mahčymaści płacić navat padatki ŭ biudžet, maje zapazyčanaść za elektraenerhiju.
Vychad sa składanaj sytuacyi markietolahi pradpryjemstva bačać va ŭžyvańni hnutkaj systemy źnižak pry prodažy tkanin u Biełarusi j zamiežžy, pavieličeńni terminaŭ raźlikaŭ za adhružanuju pradukcyju z rezydentami RB, značnym źnižeńni cen na asnoŭny asartyment da kankurentazdolnaha ŭzroŭniu z pradukcyjaj Kitaju.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary