U Naraŭlanskim rajonie apazicyjanieraŭ aštrafavali za ŭjezd u radyjacyjnuju zonu
Milicyjanty vypisali karu žycharam Mazyra za toje, što jany pryjechali dapamahčy vieteranu vajny, jaki žyvie ŭ adsielenaj vioscy ŭ radyjacyjnaj zonie Naraŭlanskaha rajona. Heta na paŭdniovym uschodzie Biełarusi, na Mazyrskim Paleśsi.
Adam Rahaviec dobra viadomy ŭ Mazyry. Jon časta hraje na harmoniku ŭ centry horada, la ŭvachodu na rynak. Jamu pad 90 hadoŭ, prajšoŭ vajnu, žyvie adzin u adsielenaj vioscy. Nijakich vyhod u chacie niama. Navat elektryčnaść vymknuli pavodle pastanovy miascovych uład. Inšych žycharoŭ u vioscy taksama niama.
Žychary Mazyra 27 studzienia naviedali Rahaŭca dy pryvieźli pradukty i abutak. Jany źbiralisia taksama ŭciaplić dom i nasiekčy drovaŭ.
Kab sabrać bolš patrebnaha, ludzi stvaryli forum na haradskim sajcie. Pasypalisia prapanovy dapamohi. Čarhovy vyjezd da Rahaŭca byŭ pryznačany na 3 lutaha.
Ale pryjechaŭšy čarhovy raz u zakinutuju viosku, vałanciory ŭbačyli tam milicejski UAZik. La doma vieterana haściej sustreli supracoŭniki milicyi. Uhledzieŭšy ŭ chłopcach niebiaśpiečnych pravaparušalnikaŭ, supracoŭniki milicyi zabrali dvuch ź ich u Naraŭlanski RAUS. Tam na zatrymanych skłali pratakoły pavodle častki 2 artykuła 16/03 KoAP Biełarusi «Parušeńnie patrabavańniaŭ režymu radyjacyjnaj biaśpieki ŭ miascovaściach, jakija padpali pad radyjeaktyŭnaje zabrudžvańnie». Ujezd u takuju zonu zabaronieny bieź śpiecyjalnaha dazvołu.
Sud nad maładymi ludźmi, adzinym złačynstvam jakich było žadańnie dapamahčy samotnamu vieteranu vajny, projdzie ŭ Mazyry bližejšymi dniami.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary