Kipr nie atrymaŭ ad Rasii finansavaj dapamohi. Jak paviedamlaje Bloomberg, pra heta zajaviŭ ministr finansaŭ Michalis Sarys. Tym nie mienš, pavodle jaho słoŭ, Rasija ŭsio jašče moža pierahledzieć svajo rašeńnie i dać kredyt, abo źmianić umovy raniejšaha kredytu. Sarys dadaŭ, što pakul Kipr nie hatovy całkam admovicca ad rasijskaj dapamohi.
Ministr finansaŭ Kipra Michalis Sarys vioŭ pieramovy ab pradastaŭleńni kredytu ŭ Maskvie z 20 sakavika. U pryvatnaści, jon sustrakaŭsia ź ministram finansaŭ Rasii Antonam Siłuanavym i pieršym vice-premjeram Iharam Šuvałavym. 22 sakavika kiprskaja delehacyja pavinna viarnucca dadomu.
Kipr raźličvaŭ na restrukturyzacyju kredytu ŭ 2,5 młrd jeŭra, atrymanaha respublikaj ŭ Rasii ŭ 2011 hodzie, a taksama na novuju pazyku ŭ piać miljardaŭ. Srodki patrebnyja respublicy na pieraadoleńnie finansavaha kryzisu.
Sarys kazaŭ, što Kipr maje namier prapanavać Rasii doli ŭ bankach i hazavych radoviščach u abmien na inviestycyi.
Ciapier čytajuć
Vajb-prahramavańnie źmienić rolu raspracoŭščyka, RLVR i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 2026
Kamientary