Кіпр не атрымаў ад Расіі фінансавай дапамогі. Як паведамляе Bloomberg, пра гэта заявіў міністр фінансаў Міхаліс Сарыс. Тым не менш, паводле яго слоў, Расія ўсё яшчэ можа перагледзець сваё рашэнне і даць крэдыт, або змяніць умовы ранейшага крэдыту. Сарыс дадаў, што пакуль Кіпр не гатовы цалкам адмовіцца ад расійскай дапамогі.
Міністр фінансаў Кіпра Міхаліс Сарыс вёў перамовы аб прадастаўленні крэдыту ў Маскве з 20 сакавіка. У прыватнасці, ён сустракаўся з міністрам фінансаў Расіі Антонам Сілуанавым і першым віцэ-прэм'ерам Ігарам Шувалавым. 22 сакавіка кіпрская дэлегацыя павінна вярнуцца дадому.
Кіпр разлічваў на рэструктурызацыю крэдыту ў 2,5 млрд еўра, атрыманага рэспублікай ў Расіі ў 2011 годзе, а таксама на новую пазыку ў пяць мільярдаў. Сродкі патрэбныя рэспубліцы на пераадоленне фінансавага крызісу.
Сарыс казаў, што Кіпр мае намер прапанаваць Расіі долі ў банках і газавых радовішчах у абмен на інвестыцыі.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары