Carkva pavinna ŭdzielničać u palitycy
Kožny hod ja naviedvaju chryścijanskija kanferencyi ŭ Ryzie. Što mianie ŭraziła sioleta — heta toje, što łatvijskaja carkva zajmaje pazycyju pierad vybarami prezydenta.
Kožny hod ja naviedvaju chryścijanskija kanferencyi ŭ Ryzie. Što mianie ŭraziła sioleta — heta toje, što łatvijskaja carkva zajmaje pazycyju pierad vybarami prezydenta, jakija adbylisia niadaŭna. Pastar A.Ladziajeŭ z carkoŭnaj katedry patłumačyŭ svaim prychadžanam, na kim vola Božaja, i zaklikaŭ malicca za kandydata, jaki bližejšy da pazycyi carkvy. Potym vystupiła deputatka Sojmu Feldmane, jakaja źjaŭlajecca prychadžankaj ich carkvy. I daścipna dała zrazumieć, čamu jana, jak chryścijanka, addaść svoj hołas za kandydata Zatlersa. «Ja ŭbačyła, što sp.Zatlers adkazvaŭ na pytańni ščyra, pierakanaŭča. I tamu ja ŭbačyła ŭ hetym čałavieku patryjota Łatvii. Kaniečnie, my pavinnyja malicca, tamu što palityčnaja mašyna žorstkaja. Treba, kab hety čałaviek ustajaŭ u toj maralnaj i duchoŭnaj pazycyi, jakuju jon ciapier maje».
Voś tak razvažajuć vierniki ŭ Łatvii. Heta prykład, jak pavinnyja śviatary vučyć adroźnivać dabro i zło ŭ palitycy.
A ŭjaŭlajecie: pierad našymi minułymi vybarami vychodzić śviatar i z carkoŭnaj katedry abviaščaje, čamu my pavinnyja malicca za sumlennaha i prystojnaha kandydata A.Milinkieviča. I čamu ź biblijnaha punktu hledžańnia nielha addavać svoj hołas za ŭsim viadomaha kandydata, kab nie hniavić Boha. Dy heta ciažka ŭjavić!
Ale čas svabody pryjdzie ŭ našuju krainu, i prychod hetaha času ništo nia spynić.
-
Statkievič pra pratesty va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
-
Statkievič źvinavaciŭ łukašystaŭ u etnacydzie i nazvaŭ procijadździe jamu
Kamientary