Pamior biełastocki piśmieńnik, zasnavalnik «Nivy» Hieorhi Vałkavycki
Pajšoŭ z žyćcia Hieorhi Vałkavycki — zasnavalnik i šmathadovy hałoŭny redaktar tydniovika biełarusaŭ u Polščy «Niva». Hieorhi Vałkavycki pamior u niadzielu,7-ha krasavika, jamu było 90 hadoŭ.
Kaža ciapierašni hałoŭny redaktar «Nivy» Jaŭhien Vapa: «Hieorhi Vałkavycki — šmathadovy redaktar «Nivy». Heta sapraŭdny vałun u halinie piśmienstva, u halinie biełaruskaj žurnalistyki na Biełastoččynie. Heta jon stvaryŭ tydniovik «Niva», pakazaŭ, što hety tydniovik možy być cikavy i karysny. A samaje hałoŭnaje — biełaruskaje słova vyvieŭ na šyrokuju prastoru rodnaj movy, pryhožaha litaraturnaha piśmienstva. Kali byŭ «žalezny zanavies», jon supracoŭničaŭ i drukavaŭ mienavita aŭtaraŭ ź Biełarusi. Jon łamaŭ hety zanavies pry dapamozie biełaruskaha słova. Vopytny, sardečny, ciopły čałaviek, jakoha niadaŭna my śviatkavali
«Heta byŭ— kaža pra Hieorhija Vałkavyckaha šmathadovy karespandent tydniovika «Niva» Jan Mordań:čałaviek-instytucyja , jaki trymaŭ na sabie šmat jakija spravy biełarusaŭ Padlašša, ale pry hetym sam zastavaŭsia ŭ cieniu,«
— Heta jak kareńnie ŭ drevie: usie bačym dreva, ale nie ŭjaŭlajem na štodzień, što dziakujučy hetym małaprykmietnym kareńniam hetaje dreva žyvie. Kali da jaho prychodziŭ, to adčuvałasia, što heta vialikaja postać, jakaja mnohaje viedaje, ale nieprykmietna ŭsim kiruje, i kiruje vielmi dobra. Tamu toje, što jon stvaryŭ, zastaniecca ŭ viakach. Za heta jamu dziakuj vialiki.
Aŭtar zbornika liryki «Roznahodździe» i knižki satyryčnych vieršaŭ «Makatrazmy», a taksama niekalkich prazaičnych knihaŭ.***
Hieorhi Vałkavycki naradziŭsia ŭ Biełaviežy ŭ 1923 hodzie. U 1956 hodzie zasnavaŭ tydniovik «Niva», jakim kiravaŭ bolš za 30 hadoŭ.
Pachavańnie adbudziecca ŭ sieradu ŭ rodnaj Biełaviežy.
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary