Ministerstva justycyi spasłałasia na častku treciuju artykuła 17 Zakona ab palityčnych partyjach. Aficyjny adkaz, datavany 9 žniŭnia, pryjšoŭ zasnavalnikam Sajuza siońnia. Pavodle lidera PKB, jakaja musić stać adnoj z častak Sajuza levych sił, Siarhiej Kalakin zajaviŭ, što adkaz ź Miniustu unikalny: «Jon nie paddajecca ni jurydyčnamu, ni palityčnamu analizu».
Pa słovach Kalakina, matyvujučy rašeńnie ab admovie ŭ rehistracyi, ministerstva spasyłajecca nie na supiarečnaści zakonu, a na farmalnyja niedakładnaści ŭ afarmleńni pradstaŭlenych dakumientaŭ i niesupadzieńnie vypisak z pratakołaŭ z samimi pratakołami.
Prykładam, takaja cytata z dasłanaha dakumienta: «Jeśli v vypiskie iz protokoła pri otražienii sostava prisutstvujuŝich raźmieŝieno słovo «Prisutstvujet» (takaja žie zapiś imiejetsia v vypiskie iz protokoła ot 12.122006), to v samom protokole — słovo «Prisutstvujut».
Pavodle Kalakina, na padstavie takich momantaŭ Miniust robić vysnovu pra falsiikacyju častki pradstaŭlenych arhkamitetam pa stvareńni Sajuza levych sił dakumientaŭ.
Kalakin zajaviŭ, što partyi‑zasnavalnicy Sajuza taksama majuć padstavy ličyć adkaz Miniusta niesapraŭdnym, bo i ŭ im jość hramatyčnyja pamyłki.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary