Adzin z dvuch bratoŭ, jakija padazrajucca ŭ datyčnaści da vybuchu na finišy bostanskaha marafonu, Tamierłan Carnajeŭ, byŭ paŭtara hady tamu ŭklučany ŭ bazu padraździaleńnia pa baraćbie z teraryzmam, paviedamili žurnalistam amierykanskija ŭłady.
Heta było zroblena, paśla taho jak rasijskija orhany biaśpieki pryjšli da vysnovy, što Carnajeŭ-starejšy moh płanavać napad na terytoryi Rasii.
Adnak papiaredniaje rasśledavańnie FBR nie vyjaviła niebiaśpieki Tamierłana dla ZŠA.
U sieradu amierykanskija ŭłady taksama paćvierdzili, što vybuchovyja pryłady byli pryviedzienyja ŭ dziejańnie z dapamohaj dystancyjnaha kiravańnia.
Pry hetym sami pryłady byli davoli prostymi, i zrabić vybuch možna było, tolki znachodziačysia na adlehłaści nie bolš za niekalki kvartałaŭ ad bomby.
U vyniku vybuchaŭ na finišnaj linii bostanskaha marafonu na minułym tydni 15 krasavika zahinuli try čałavieki, bolš za 260 atrymali ranieńni.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu19
Kamientary