Ja karystalnik sacyjalnych sietak i ź ich dapamohaj źviarnuŭsia da vypadkovych, nieznajomych mnie ludziej, u jakich u hrafie «kraina» značyłasia Rasija. Ja prasiŭ adkazać na adzinaje pytańnie: «Što Vy viedajecie pra Biełaruś?».
1) Dobra adpačyć možna: kraina sanatoryjaŭ i kazino.
2) Biełaruś? U vas užo vielmi doŭha adzin i toj ža prezident i sychodzić jon nie źbirajecca.
3) Miascovyja kampanii majuć dobryja lhoty, nu, i Baćka vaš — Łukašenka — staražył-prezident.
4) Ja viedaju, što była valuta z nazvaj roznych žyvioł, a ciapier u vas dyk naohuł mahčyma adčuć siabie miljanieram.
5) Robicie z bulby cudy, BATE i «Dynama» – dźvie viadomyja kamandy.
6) U vas za razmovy ab palitycy mohuć ci pasadzić, ci vyhnać z krainy.
7) Najpryhažejšy horad – Horadnia, najsmačniejšaja strava – mačanka, najlepšy spartoviec – Azaranka.
8) Raniej vy byli palakami, i my vajavali, a potym vy dałučylisia da nas…
9) Jość biełaruskaja mova, jakuja ja ni razu nie čuła. Kažuć, što padobnaja da polskaj.
10) U puščy razvaliŭsia sajuz, U biełaruskim Paleśsi žyvie Alesia.
11) Zdajecca, što vielmi spartyŭnaja kraina.
12) U Biełarusi dobra raźvity sielskahaspadarčy kompleks, uličvajučy ekspart pradukcyi ŭ SND i Rasiju.
13) Łukašenka, zajčyki, chaładzilniki, traktary, rovary, miakkaja cacka, sielskaja haspadarka, braty-słavianie, hastarbajtiery, Minsk, Babrujsk.
14) Kraina BiełAZaŭ, azioraŭ i pryhožych dziaŭčat.
15) Biełaruś – heta kraina ŭ centry Jeŭropy, z vydatnym ekanamičnym stanoviščam…
A vy jak by acharaktaryzavali svaju krainu rasijanam adnym skazam? A što pra Rasiju viedajecie vy — kab adnym skazam?
Kamientary