U paniadziełak viečaram situacyja vakoł pamierłaj paśla apieracyi ŭ «Ekamiedservisie» Julii Kubaravaj abmiarkoŭvałasia ŭ chodzie prahramy «Adkrytaha farmatu» na ANT. Tam było paviedamlena jašče ab adnym vypadku ciažkich nastupstvaŭ paśla płastyčnaj apieracyi.
Tak, užo na praciahu siami miesiacaŭ u komie znachodzicca Volha Sukora, jakaja, jak i Julija Kubarava, pajšła na apieracyju pierad viasiellem. Joj pa miedycynskich pakazańniach vypraŭlali prykus u dziciačaj abłasnoj balnicy ŭ Baraŭlanach na kafiedry skivična-tvaravaj chirurhii.
Daktary zapeŭnivali svajakoŭ, što apieracyja prajšła paśpiachova, a ciapier kažuć, kab dziaŭčynu albo zabirali dadomu, albo pieravozili ŭ chośpis.
Maci Volhi skazała, što paśla apieracyi stajała na kaleniach pierad doktaram, molačy dapamahčy, maŭlaŭ «u vas abstalavańnie — pa televizary pakazvajuć». Jon joj skazaŭ: «Kiepskaja sprava, žančyna».
Jak zajaviŭ pradstaŭnik Ministerstva achovy zdaroŭja, pryčyna komy ŭ Julii Kubaravaj i Volhi Sukory nie vyśvietlenaja.
Kamientary