Hurt N.R.M. admoviŭsia ad udziełu ŭ festvali «be2gether», bo «zapozna zaprasili». Ichni kancert u Mahilovie zabaranili, bo «ŭmiašalisia tajamničyja ŭpłyvovyja ludzi». Ciapier biełaruski hurt rychtujecca da ŭdziełu ŭ festyvali «Muzyka z oblezonego miasta» 2 vieraśnia ŭ polskim Lubinie na miascovym aeradromie. Razam ź imi ŭ hety dzień zajaŭleny Bob Hiełdaf, hurty The Plastic People of Universe, The Ukrainians dy inšyja.
Ciapier lider kamandy Lavon Volski znachodzicca ŭ adpačynku. Pra sytuacyju z mahiloŭskim kancertam apaviadaje hitaryst kamandy Pit Paŭłaŭ. Darečy, mienavita jaho vyjava jakraz i była źmieščana na afišy imprezy:
«Mianie časta źmiaščajuć na afišach zamiest Lavona. Heta adbyvajecca vyklučna praz małuju infarmavanaść arhanizataraŭ. Kancert planavałasia pravieści 26‑ha žniŭnia ŭ miascovym Pałacy kultury, ale my jaho pieranieśli na bolš poźni termin — 9‑ha vieraśnia, bo ŭ hety dzień nie mahli vystupić. Nakolki ja viedaju, anijakich zabaronaŭ nie było». Miž tym, Lavon Volski ŭ svaim błohu napisaŭ, što ŭžo pieraniesieny vystup N.R.M. — admienieny: «Sytuacyja da bolu znajomaja — umiašalisia tajamničyja ŭpłyvovyja ludzi, kancert admienieny».
Cikava, što N.R.M. sa svajoj voli admoviłasia ad udziełu ŭ festyvali «be2gether», jaki adbudziecca 24‑26 žniŭnia ŭ Narviliškach. Spačatku arhanizatary ad Biełarusi planavali zaprasić tolki «Lapis Trubiackoj» i «Drum Ecstasy», ale potym vyłučyli jašče adno vakantnaje miesca, jakoje zaniaŭ hurt IQ48. I voś u apošni momant vyrašyli zaprasić i N.R.M.
«My admovilisia, bo zanadta pozna zaprasili» — tak rastłumačyŭ TH pryčynu admovy Pit Paŭłaŭ.
Ale N.R.M. vystupić na inšym bujnym eŭrapiejskim festyvalu «Muzyka z oblezonego miasta», jaki projdzie z 30 žniŭnia pa 2 vieraśnia ŭ polskim Lubinie na miascovym aeradromie. N.R.M., jakija pradstaŭleny na sajcie festyvalu čamuści jak «biełaruskaja Nirvana», adkryjuć svaim vystupam apošni dzień festyvalu. Razam ź imi ŭ hety dzień zajaŭleny Bob Hiełdaf (toj, što syhraŭ hałoŭnuju rolu ŭ filmie «Ściana» Pink Floyd), hurty The Plastic People of Universe, The Ukrainians, Lech Janerka dy inšyja.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»1
Kamientary