U subotu, 20 lipienia, u adździeł milicyi administracyi Savieckaha rajona Homiela źviarnułasia miascovaja žycharka z zajavaj ab źniknieńni siastry — vykładčycy, jakaja zajmałasia repietytarstvam.Ranicaj dziaŭčyna pajšła na zaniatki z klijentkaj, adnak nie viarnułasia, choć damoviłasia ab sustrečy ź siabram. Toj i ŭźniaŭ tryvohu, nie dačakaŭšysia jaje i nie zdoleŭšy datelefanavacca na mabilnik, jaki apynuŭsia adklučanym.
Supracoŭniki Savieckaha RAUS i ŭpraŭleńnia kryminalnaha vyšuku UUS Homielskaha abłvykankama pa haračych śladach vyjšli na koła bližejšych znajomych, u tym liku i jaje byłoha chłopca.
Pavodle papiaredniaj infarmacyi, małady čałaviek, ź jakim jana rasstałasia, niekalki miesiacaŭ vynošvaŭ płan pomsty.
Svaich siabroŭ — muža i žonku — jon pierakanaŭ dapamahčy ŭ raspravie. Dziaŭčynu zaprasili ŭ kvateru nibyta z pryčyny repietytarstva, dzie, jak miarkujecca, jana i była zabitaja.Paśla cieła vyvieźli ŭ les i zakapali.
Padazravanyja zatrymanyja. Upraŭleńniem Śledčaha kamiteta pa Homielskaj vobłaści raspačata kryminalnaja sprava pa fakcie zabojstva.
Kamientary