Abjom cieniavoj ekanomiki ŭ Biełarusi aceńvajecca ŭ 8–10% VUP, paviedamiŭ ministr pa padatkach i zborach Uładzimir Pałujan 1 žniŭnia na naradzie pa pytańni efiektyŭnaści baraćby z karupcyjaj i ekanamičnymi złačynstvami.
«Ad hetych pracentaŭ my pavinny maksimalna zabrać tuju častku, jakaja naležyć biudžetu, kab hrošy pracavali dla ŭsiaho hramadstva», — pryvodzić słovy Pałujana
Ministr udakładniŭ, što ŭ hetyja 8–10% uklučany dachody ad prysiadzibnych haspadarak hramadzian, realizacyi asabistaj majomaści. «Tamu, zrazumieła, tut nie treba kazać pra toje, što heta zanadta vialikaja suma dla našaj krainy. Jana značna mienšaja, kali adkinuć hetyja dachody», — zajaviŭ jon.
Pavodle jaho słoŭ, padatkovaja słužba ŭ pieršuju čarhu źviartaje ŭvahu na haliny i śfiery, dzie isnuje najbolšaja mahčymaść uchileńnia ad vypłaty padatkaŭ.«Bolš za ŭsio nas siońnia cikavić i taja śfiera, dzie stvarajucca tak zvanyja adnarazavyja firmy, iłžepradprymalnickija struktury. Jany karystajucca pałažeńniami ŭkaza № 510, jaki rehuluje kantrolnuju dziejnaść u nas u krainie, pavodle jakoha padatkovyja słužby nie mohuć prychodzić z pravierkaj na praciahu dvuch hadoŭ z času stvareńnia. Praz hetyja struktury prakručvajuć peŭnyja sumy hrošaj, u biudžet nie płaciać, i hrošy rastvarajucca», — skazaŭ Pałujan. Jon źviarnuŭsia z prośbaj dać mahčymaść pravodzić nieabchodnyja pravieračnyja mierapryjemstvy ŭ dačynieńni da asobnych katehoryj płacielščykaŭ, jakija schilnyja da asablivaj ryzyki ŭchileńnia ad vypłaty padatkaŭ.
Ministr adznačyŭ, što jość i inšyja schiemy ŭchileńnia ad padatkaabkładańnia, jakija chvalujuć biełaruskich padatkavikoŭ: «Asobnyja inviestary prychodziać, budujuć u nas dobryja zavody, pradpryjemstvy, ale, karystajučysia svaimi zamiežnymi zasnavalnikami, minimizujuć nastolki padatak na prybytak, što jon amal zaŭsiody zvodzicca da nula. Pracu ŭ hetym płanie my ŭžo pačali i budziem ažyćciaŭlać jaje najbližejšym časam».
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš2
Kamientary