Navukoŭcy vyśvietlili, jakim mužčynam nielha hladzieć porna
Prahlad porna robić pavodziny mužčyn bolš ahresiŭnymi ŭ adnosinach da žančyn. Ale tolki ŭ tym vypadku, kali ŭ ich i tak užo vyjaŭlalisia simptomy seksizmu, vyśvietlili daśledniki z Danii.
Navukoŭcy z Univiersiteta Kapienhahiena vyrašyli pravieryć adzin z samych ustojlivych stereatypaŭ ab tym, što časty prahlad porna nibyta robić mužčyn bolš ahresiŭnymi i nieŭtajmavanymi ŭ adnosinach z žančynami.
Akazałasia, što heta adpaviadaje rečaisnaści, ale daloka nie z usimi pradstaŭnikami mocnaha połu, jakija lubiać hladzieć filmy dla darosłych.
Porna nie sparadžaje sieksizm siarod mužčyn, ale ŭzmacniaje jaho. Inšymi słovami, kali niejki mužčyna pieršapačatkova hladzieŭ na žančyn tolki jak na pradmiet dla zadavalnieńnia svajoj jurlivaści, to rehularny prahlad parnahrafičnych materyjałaŭ zrobić jaho pavodziny jašče bolš nievynosnymi.
Ale kali mužčyna nie vyjaŭlaŭ padobnaha spažyvieckaha staŭleńnia da žančyn, to ad prahladu porna jano nie ŭźniknie.
Usie dobraachvotniki ŭ ramkach ekśpierymientu rehularna hladzieli «žorstkaje porna», a zatym daśledčyki vymiarali ich uzrovień seksizmu.
Jaho pavyšeńnie było zaŭvažana tolki ŭ tych, chto pieršapačatkova vałodaŭ niejkim pačatkovym pakazčykam seksizmu, a ŭ astatnich mužčyn staŭleńnie da žančyn nie źmianiłasia.
I choć navat u pieršaj katehoryi rost adznačaŭsia dosyć niaznačny, aŭtar daśledavańnia Hiert Marcin Chald ŭpeŭnieny, što pa hetaj reakcyi možna mierkavać ab roznym upłyvie porna na roznych ludziej.
Kamientary