Akademija MUS Biełarusi raspracavała razmoŭnik dla milicyjanieraŭ da čempijanatu śvietu pa chakiei — 2014, paviedamiŭ kiraŭnik pres-hrupy milicejskaj VNU Siarhiej Čabataroŭ.
«Heta knižka pamieram 10×14,5 sm. Pamiery vybrany nie vypadkova. Razmoŭnik lohka źmiaščajecca ŭ kišeniu kurtki milicyjaniera» , — rastłumačyŭ S.Čabataroŭ. Jon taksama dadaŭ, što razmoŭnik ŭklučaje frazy na piaci movach, siarod jakich anhlijskaja, niamieckaja, polskaja, francuzskaja i ispanskaja. Zamiežnyja hramadzianie, jakija razmaŭlajuć na hetych movach, čaściej za astatnich naviedvajuć spartyŭnyja spabornictvy ŭ Biełarusi.
U knizie čatyry raździeły, jakija dapamohuć milicyjanieram u kamunikacyi z haściami stalicy — «Zvarot da hramadzian» , «Aryjenciroŭka pa horadzie» , «Dziaržaŭnaja aŭtainśpiekcyja» i «Kryminalnyja situacyi».
Apošni raździeł byŭ uklučany ŭ razmoŭnik nie tak daŭno i pavinien dapamahčy zrazumieć zamiežnika, jaki staŭ achviaraj złačynstva. Raździeł źmiaščaje standartnyja ŭ takich situacyjach frazy: «Jak vyhladali złačyncy?» , «U jakim napramku jany syšli?» i h.d.
Pieršyja takija dapamožniki ŭ milicejskaj VNU Minska raspracoŭvali jašče ŭ 1980 h., napiaredadni Letnich Alimpijskich hulniaŭ u Maskvie. «Naturalna, jany byli tančejšymi i ŭtrymlivali tolki ruska-anhlijski razmoŭnik. Ciapierašnija — krychu bolš za 100 staronak», — skazaŭ kiraŭnik pres-hrupy.
Siarhiej Čabataroŭ dadaŭ, što z 1 kastryčnika ŭ Akademii MUS pačnuć prachodzić navučańnie anhlijskaj movie 75 milicyjantaŭ ź Minska i Minskaj vobłaści. Jašče 75 čałaviek — z 20 studzienia 2014 hoda.
Nie vyklučana, što kala 300 kursantaŭ, jakija niadrenna viedajuć anhlijskuju i niamieckuju, voźmuć udzieł u zabieśpiačeńni paradku.
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary