«Užyvańnie na adras biełarusaŭ abraźlivaha vyznačeńnia «narodziec» źjaŭlajecca niedapuščalnym», — adznačyŭ u svajoj zajavie namieśnik staršyni Partyi BNF Ihar Lalkoŭ.
28 vieraśnia Alaksandr Łukašenka, adkazvajučy ŭ Žłobinie na pytańnie žurnalistaŭ ab mahčymaści devalvacyi, zajaviŭ: «Ale ŭ apošnija miesiacy, ja hladžu, naš narodziec pabieh u abmiennyja punkty. Nu, biažycie. Biažycie!»
«Heta naŭprostavaja abraza nacyjanalnaj hodnaści biełaruskaha naroda,
— miarkuje Lalkoŭ. — Takim čynam aŭtar hetaha haniebnaha vykazvańnia prademanstravaŭ, što nasamreč jon biełarusaŭ nie pavažaje i nie ličyć vartymi jakoha-kolviek surjoznaha staŭleńnia».
Palityk taksama adznačyŭ, što słovy Łukašenki «krasamoŭna śviedčać pra jaho sapraŭdnyja adnosiny nie tolki da biełaruskaj nacyi jak takoj, ale i da toj jaje častki, jakaja da hetaha času padtrymlivaje jaho aŭtarytarnaje praŭleńnie».
«Kožnamu, chto jašče maje iluzii adnosna «narodnaści» palityki siońniašniaj ułady, treba narešcie zadumacca. Kali kiraŭnik dziaržavy nie znachodzić ničoha lepšaha, jak nazyvać hramadzian dziaržavy «narodcam» dy sprabuje ŭskłaści na biełaruski narod adkaznaść za devalvacyju i za vartyja žalu nastupstvy ŭłasnaj chibnaj ekanamičnaj palityki, — dyk, moža, prablema ŭsio ž nie ŭ narodzie, a ŭ hetym kiraŭniku?»
«Biełarusy — nacyja, a nie niejki «narodziec»! — padkreśliŭ Lalkoŭ. — A tyja palityki, što dumajuć advarotnym čynam, niepaźbiežna ŭ chutkim časie zastanucca na ŭzbočynie historyi».
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary