Alaksandr Łukašenka miarkuje, što Mytny sajuz i Ukraina znojduć niejkuju formułu supracoŭnictva paśla zaklučeńnia Ukrainaj pahadnieńnia ź ES ab asacyjacyi.
Ab hetym jon zajaviŭ 7 kastryčnika na sustrečy z premjer-ministram Ukrainy Mikałajem Azaravym u Minsku.
Alaksandr Łukašenka nazvaŭ hetuju prablemu zanadta palityzavanaj.
«My sami siabie zahnali niezrazumieła kudy. Zaŭsiody treba zychodzić z realij. Toje, što Ukraina padpisvaje pahadnieńnie ab asacyjacyi ź Jeŭrapiejskim sajuzam, heta ŭžo praktyčna fakt, jaki adbyŭsia, kali vieryć zajavam z Brusiela i Kijeva.
Tamu nam taksama treba da hetaha padychodzić takim čynam, što Ukraina jak suvierennaja, niezaležnaja dziaržava vybrała hety šlach i vyrašyła zaklučyć heta pahadnieńnie», — adznačyŭ Łukašenka.
«Kali kazać adkryta, to ŭ hetym kroku ŭ kirunku supracoŭnictva ź Jeŭrapiejskim sajuzam ja nie baču nijakich prablem. Važna, kab samo pahadnieńnie i nastupnaje nie začyniała dla Ukrainy supracoŭnictva z Adzinaj ekanamičnaj prastoraj, Mytnym sajuzam», — miarkuje Łukašenka.
«Kali Mytny sajuz buduć zadavalniać ukrainskija prapanovy, my pojdziem nasustrač, kali jany buduć niedaskanałymi i budzie pierakos u bok Jeŭrasajuza, to, viadoma, ni Rasija, ni Kazachstan, ni Biełaruś na heta nie pojduć.
A kali i pojduć, to na padstavie jakichści kampramisaŭ, — skazaŭ Alaksandr Łukašenka. — chočam my hetaha ci nie chočam, ale nam užo davodzicca žyć u peŭnych realijach i zychodziačy z hetaha vybudoŭvać našu ahulnuju palityku. Jak by Ukraina siabie ni paviała, navat kali jana ŭ NATA ustupić, usio roŭna my vymušany šukać adnosiny z Ukrainaj, my prosta asudžanyja na heta pa mnohich pryčynach».
Łukašenka padkreśliŭ, što «trojcy» chaciełasia b, kab Ukraina ŭdzielničała va ŭsich intehracyjnych abjadnańniach.
«Nam vielmi chaciełasia b, kab Ukraina była ŭ Adzinaj ekanamičnaj prastory, budučym Jeŭrazijskim sajuzie na raŭnapraŭnaj asnovie, kab byli adzinyja praviły, jakija pryznajucca ŭsimi dziaržavami. Miarkuju, my znojdziem niejkuju formułu, kab my byli razam, ni ŭ jakim razie nie razyšlisia», — skazaŭ Łukašenka.
«My nie ličym Ukrainu čužoj respublikaj. My chacieli b, kab jana była nie prosta pobač, a razam z nami va ŭsich intehracyjnych utvareńniach. Ale prava Ukrainy vybirać, u jakim kirunku ruchacca, a naša — ličycca z pravam Ukrainy i razumieć, što heta suvierennaja niezaležnaja dziaržava», — padkreśliŭ jon.
«Tamu ŭ bližejšy čas nam treba prajści vielmi vialiki šlach pa pošuku narmalnaha supracoŭnictva z Ukrainaj. My heta dobra razumiejem usie. «My» — heta členy Mytnaha sajuza», - dadaŭ Łukašenka.
«Zrazumieła, što Zachad technałahičny. Mahčyma, abiacajuć Ukrainie hetyja prasunutyja technałohii. Ale ŭ toj ža čas ja nutrom, i sercam, i dušoj, z Ukrainaj», — adznačyŭ Alaksandr Łukašenka.
Havoračy ab dvuchbakovych biełaruska-ŭkrainskich adnosinach, Łukašenka vykazaŭ upeŭnienaść, što baki znojduć vyrašeńnie ŭsich isnujučych pytańniaŭ. «Usiudy pavinny być kampramisy i peŭnyja raźviazki», — adznačyŭ jon.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary