Łukašenka: Ja ŭsio žyćcio hulaŭ u futboł. I dahulaŭsia da taho… — videa
U paniadziełak u Minsku prajšła sustreča Alaksandra Łukašenki z kiraŭnikami ŚMI krain SND.
Kiraŭnik Biełarusi adkazvaŭ na pytańni, jakija datyčyli budučyni SND i inšych intehracyjnych abjadnańniaŭ, adnosinaŭ z Zachadam, havaryŭ pra hučnuju spravu «Urałkalija», pra pastaŭki rasijskaj nafty, pra prablemu mihracyi i pravy čałavieka.
Hiendyrektar ukrainskaj «Rabočaj haziety» Anatol Kryvałapaŭ nahadaŭ pra chakiejny čempijanat śvietu, jaki projdzie ŭ 2014-m u Minsku i adznačyŭ, što chakiej — lubimy vid sportu Łukašenki. Apošni heta asprečyŭ (na videa hł. ad 23.15).
«A čamu Vy ličycie, što heta maja lubimaja hulnia? — cytuje słovy Alaksandra Łukašenki telekanał STV. — Niapraŭda…
Ja ŭsio žyćcio hulaŭ u futboł. Usio. Užo byŭ prezidentam, ja dahulaŭsia da taho…Jašče ŭ maładości hłybokaj ja dobra hulaŭ u futboł. Ja bieh da pravaha kraju i pačynaŭ padavać miač na bramu, nu, jak zvyčajna, i ŭpaŭ na levaje kalena. Na ŭsioj hetaj šalonaj chutkaści ja ŭpaŭ na levaje kalena, padkruciŭ levuju nahu i paškodziŭ mienisk. Nu, pa maładości tam usio zabyłasia.
Staŭ prezidentam. Pamiatajecie, cełyja stadyjony my źbirali, kali ja staŭ prezidentam? My hulali na «Dynama» ź lehiendarnaj dynamaŭskaj kamandaj, jakaja stała čempijonam śvietu.
Navat dzieści fotazdymak ŭ mianie, Uładzimiru Uładzimiraviču [Pucinu] pakazvaŭ.
Hulaŭ ŭžo ŭ nakaleńniku, ale bolš ci mienš. A dalej — horš.
Praapieravaŭ kalena, i mnie vielmi baluča biehčy. Kali biahu, tam ža skača… ja vymušany byŭ uspomnić svaju dziciačuju zabavu. Viedajecie, u jakich kańkach hulali tady ŭ chakiej? Pačaŭ hulać u chakiej. Voś hetyja miakkija ruchu na lodzie, choć, viadoma, 4 razy mnie tvar raśsiakali, i sšyvali jaho, i tak dalej. Tam ža nichto nie hladzić u hetaj hulni ty chto Ale ja vymušany byŭ zajmacca hetym.
Ja vielmi lublu biehać na rolikach, na łyžarolerach. Učora ja prabieh 13 kiłamietraŭ svaich lubimych na łyžarolerach, potym pajšoŭ hulać u valejboł.
A tam taksama skakać treba! Jak kalena noč baleła, ale ja nie moh. Ale chočacca ž pahulać! Kaliści ž hulaŭ u hety valejboł. Kamanda, kampanija sabralisia»
Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie6
Kamientary