«Poliseksualnaja Biełaruś» vinavacić «Narodnuju volu» ŭ parušeńni žurnalisckaj etyki
Padstavaj stała zaciemka sa źjezda Maładoha frontu.
Udzielniki inicyjatyŭnaj hrupy «Poliseksualnaja Biełaruś» źviarnulisia ŭ Kamisiju pa etycy pry Biełaruskaj asacyjacyi žurnalistaŭ. Jany paličyli niekarektnaj zaciemku «Vyklučyć aŭtamatyčna!». I prosiać kamisiju paŭździejničać na žurnalista i redakcyju.
«Na našu dumku, nazvany artykuł utrymlivaje dezinfarmacyju pra homaseksualnuju schilnaść, a taksama prapahandu dyskryminacyi pa prykmiecie homaseksualnaści (prapahandu homaseksafobii).
Tym samym jon parušaje takija pravy čałavieka, jak prava na abjektyŭnuju infarmacyju, prava na pavahu asoby dy adsutnaść dyskryminacyi», — havorycca ŭ zvarocie.
Padpisantaŭ aburyła «pazicyja žurnalista, jaki salidaryzujecca z Maładym frontam u pytańniach parušeńnia pravoŭ čałavieka». Na źjeździe MF była pryniataja rezalucyja ab aŭtamatyčnym vyklučeńni z arhanizacyi aktyvistaŭ, jakija prapahandujuć miž inšym «maralnuju razbeščanaść (pjanstva, narkamaniju, piedafiliju, homaseksualizm)».
«Emacyjnaje i biazdokaznaje pryroŭnivańnie homaseksualnaści da razbeščanaści ŭ siłu niehatyŭna-ekspresiŭnaha charaktaru sparadžaje dyskryminacyju homaseksualnaj častki hramadstva», — havorycca z zvarocie ŭ Kamisiju pa etycy.
Pa słovach adnaho z padpisantaŭ Aleksy Klimienki, ich inicyjatyŭnaja hrupa paŭtara hoda pravodzić manitorynh artykułaŭ «Narodnaj voli» na dapaviednaść pryncypam ciarpimaści i navukovaj karektnaści ŭ sieksualnaj i hiendarnaj śfierach. I, maŭlaŭ, fiksavali publikacyi homafobskich artykułaŭ, z čym źviartalisia raniej u redakcyju haziety. Ale ich ihnaravali, i ciapier jany padali zajavu ŭ BAŽ.
Na dumku namieśnicy hałoŭnaha redaktara «Narodnaj voli» Śviatłany Kalinkinaj, «Poliseksualnaja Biełaruś» prosta pijarycca. «Na moj pohlad, hetyja ludzi chočuć papularnaści, — kaža Kalinkina. — Kanfliktu niama i być nie moža. Heta była zaciemka pra rezalucyju Maładoha frontu. Aŭtar nijak nie moh źmianić jaje tekst. Čamu hetyja ludzi pakryŭdzilisia na «Narodnuju volu»? Kali jany prychodzili da nas, hałoŭnaj pretenzijaj było toje, što tekst rezalucyi my nie ŭziali ŭ dvuchkośsi. Ale ž pa zakonie «Ab ŚMI» my nie možam cytavać rezalucyi niezarehistravanych arhanizacyj.
Kali ž brać šyrej, to kožny maje prava na svaju dumku, na svajo staŭleńnie», — kaža Kalinkina.
Varta nahadać, «Małady front» — supołka moładzi, jakaja staić na kansiervatyŭnych, chryścijanskich pazicyjach. Ułady pieraśledavali jaje, u tym liku źniavolvali jaje lidaraŭ za ich aktyŭny ŭdzieł u ruchu za demakratyju, hramadzianskija i nacyjanalnyja pravy biełarusaŭ. Ciapier MF zarehistravany ŭ Čechii.
«Małady front» krytyčna stavicca da dziejnaści radykalnych hiej-aktyvistaŭ, što vystupajuć za nadańnie aficyjnaha statusu adnapołym šlubam i chacieli b bolšaj publičnaści dla seks-mienšaściaŭ.
«Narodnaja vola» — papularnaja niezaležnaja hazieta, jakaja vyznačajecca pluralizmam dumak. «Poliseksualnaja Biełaruś» — heta małaviadomaja raniej inicyjatyva.
Meta jaje, jak śćviardžajecca, heta raspaŭsiudžvańnie «humanistyčnych poliseksualnych kaštoŭnaściaŭ» — ciarpimaści da ŭsich pałoŭ i hiendaraŭ u niezaležnaści ad seksualnaj prychilnaści».
Polski sudździa-pierabiežčyk: «Idyjoty ź Biełarusi nikoli hetaha nie zrazumiejuć. Ciapier ja raźvitvajusia»7
Kamientary