Majdan u noč na 12 śniežnia, fota Unian
14:33
Na Majdanie sabrałasia 20 tys. čałaviek
Piacitysiačnaja kałona mitynhoŭcaŭ pryjšła z-pad Hienprakuratury, dzie zaklikała spynić pieraśled aktyvistaŭ.
Mitynhoŭcy padčas šeścia vykrykvali «Kijeŭ ustavaj!», a kali prachodzili mima Nacbanka i Administracyi prezidenta, skandavali «Hańba!» i «Bandu heć!».
Zaraz na Majdanie Niezaležnaści prachodzić malebien.
11:49
Majdan abzavioŭsia ŭłasnym univiersitetam
Siarod inšych inicyjatyŭ na Majdanie Niezaležnaści ŭ Kijevie pratestoŭcy zapuścili i Adkryty ŭniviersitet Majdanu.
Na admysłovaj scenie la Ladskaj bramy ad 12-j da 21-j hadziny śpiecyjalisty buduć čytać lekcyi pa palitałohii, kulturałohii, historyi, sacyjałohii.
Pratestoŭcaŭ zaprašajuć daviedacca pra historyju centra Kijeva, dzie adbyvajucca akcyi pratestu, pra asnovy farmavańnia spraviadlivaj sudovaj haliny, pra jeŭrapiejskuju sistemu kiravańnia.
Čytać lekcyi buduć vykładčyki ŭkrainskich biznes-škoł. Usie lekcyi tranślujucca ŭ pramym efiry.
11:26
Na Majdanie — kala 5 tysiač mitynhoŭcaŭ, źjavilisia novyja barykady na Praraznoj
Pa stanie na 10.30 na Majdanie Niezaležnaści ŭ Kijevie znachodziacca kala 5 tys. čałaviek, paviedamlaje UNIAN.
Mitynhoŭcy praciahvajuć hrecca la mietaličnych bočak z vohniščam.
Taksama kala manumienta Niezaležnaści i na vulicy Chryščacik raźmieščany palavyja kuchni.
Z asnoŭnaj sceny vystupajuć hramadskija dziejačy i hučać pieśni ŭkrainskich vykanaŭcaŭ. Na Jeŭramajdanie pavialičyłasia kolkaść namiotaŭ. Čatyry vajskovyja namioty ŭstanoŭleny na Chryščaciku, niekalki — kala vulicy Haradzieckaha i kala 10 kala manumienta Niezaležnaści.
10:54
U Ivana-Frankoŭsku vyviesili raściažku «Nie chočam nazad u SSSR»
Žychary ŭkrainskaha Ivana-Frankoŭska vykazalisia suprać adnaŭleńnia sajuzaŭ z Rasijaj. U horadzie vyviešany płakat, na jakim napisana: «Nie chočam nazad u SSSR».
«Frankoŭsk jeŭrapiejski» — tak padpisała fatahrafiju Natalla Valeŭskaja, jakaja vykłała jaje na svajoj staroncy ŭ Facebook.
10:02
09:34
Majdan budzie stajać, minimum, tydzień
Ukrainskaja śpiavačka Rusłana Łyžyčka zaklikała mitynhoŭcaŭ zastavacca na Majdanie Niezaležnaści u Kijevie minimum da 17 śniežnia, paviedamlaje Ukrainskaja praŭda.
«Šeść dzion my prastaim, ja ŭpeŭniena», — skazała Rusłana, źviartajučysia ŭ čaćvier unačy sa sceny da mitynhoŭcaŭ, jakija ŭ stanoŭča adhuknulisia na taki zaklik.
Rusłana taksama paviedamiła, što ŭ Kijeŭ prybyli 5 aŭtobusaŭ ź mitynhoŭcami z Kałamyja i 5 aŭtobusaŭ z adnaho z haradoŭ Vałynskaj vobłaści. Jeŭramajdan Užharada abviaściŭ mabilizacyju mitynhoŭcaŭ u Kijeŭ.
Śviatary sa sceny nahadvali pra toje, što ŭ vypadku ŭźniknieńnia kanfliktu ź milicyjaj nie varta prajaŭlać ahresiju, i tłumačyli, jak nivielavać vostruju situacyju i nie dapuścić jaje raźvićcia.
17 śniežnia adbudziecca čarhovaje pasiadžeńnie ŭkrainska-rasijskaj miždziaržaŭnaj kamisii. Pavodle słoŭ premjer-ministra Ukrainy Mikałaja Azarava, urad pracuje nad padrychtoŭkaj dvuchbakovych dakumientaŭ.
09:19
ZŠA: Sankcyi suprać Ukrainy — na stale
ZŠA razhladajuć pytańnie prymianieńnia sankcyj suprać kiraŭnictva Ukrainy ŭ liku inšych ryčahoŭ ŭpłyvu. Pra heta zajaviła pres-sakratar Dziaržaŭnaha departamentu ZŠA Džejn Saki.
«Usie varyjanty palityki, uklučajučy sankcyjami, znachodziacca na stale, ale vidavočna, što hety krok ciapier pakul analizujecca», — skazała Saki, nie ŭdakładniŭšy, jakoha rodu sankcyi majucca na ŭvazie.
Napiaredadni ZŠA vusnami dziaržsakratara ZŠA Džona Kery vykazali «ahidu» z nahody rašeńnia ŭładaŭ prymianić siłu da mirnaha pratestu ŭ Kijevie.
Pamočnik dziaržsakratara ZŠA Viktoryja Nułand u supravadžeńni pasła va Ukrainie Džefry Pajeta ŭ sieradu častavała bułačkami kursantaŭ akademii MUS u ačapleńni na Majdanie, fota Andreja Kraŭčanki, Reuters.
09:17
Chiłary Klintan: urad Ukrainy pavinien iści šlacham Mandeły
Były dziaržsakratar ZŠA Chiłary Klintan miarkuje, što ŭrad Ukrainy pajści pa šlachu vośmaha prezidenta PAR Nelsana Mandeły i vybrać dyjałoh ź ludźmi zamiest siły. Pra heta jana napisała ŭ svaim Twitter.
«Urad Ukrainy iści šlacham Mandeły i vybrać dyjałoh ź ludźmi zamiesu siły», - miarkuje Klintan.
09:10
Kiraŭnik Pientahona pieraściarohad siłavoha razhonu Majdanu
Ministr abarony ZŠA Čak Chiejhieł pieraściaroh svajho ŭkrainskaha kalehu Paŭła Lebiedzieva ad vykarystańnia vajskovaj siły «ŭ luboj formie» suprać demanstrantaŭ u centry Kijeva.
Chiejhieł pravioŭ telefonnaja razmova ź Lebiedzievym ŭ sieradu.
Jak paviedamiŭ pres-sakratar Pientahona, kiraŭnik amierykanskaha viedamstva «ŭkazaŭ patencyjnuju škodu luboha ŭdziełu vajskoŭcaŭ u razhonie demanstracyj».
Jon taksama papiaredziŭ Lebiedzieva ab «niedapuščalnaści vykarystańnia ŭzbrojenych sił Ukrainy suprać mirnaha nasielnictva ŭ jakoj by tam ni było formie».
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary