U Italii asudžany piedafił, jaki zhvałtavaŭ biełaruskuju dziaŭčynku. Pra heta paviedamlajecca na sajcie www.nr2.ru.
Italjaniec, ustanovačnyja źviestki jakoha nie raskryvajucca ŭ metach jaho asabistaj biaśpieki ŭ miescach źniavoleńnia, zhvałtavaŭ siamihadovuju hramadzianku Biełarusi z čarnobylskaj zony, jakaja prybyła ŭ Italiju z hrupaj dziaciej dla adnaŭleńnia zdaroŭja. Pra mužčynu viadoma tolki, što jon žyŭ u miastečku Arezie, pravincyja Miłana, rehijon Łambardyja.
Piedafił nie tolki zhvałtavaŭ dzicia, ale i źniaŭ usio na videakamieru.
Hvałtaŭnik byŭ aryštavany 5 kastryčnika 2012 hoda ŭ suviazi ź inšym epizodam: schavanaj kamieraj jon zdymaŭ u miascovym handlovym centry intymnyja častki cieła niepaŭnaletnich. Padčas vobysku ŭ jaho žylli było znojdziena 166 fotazdymkaŭ i rolikaŭ piedaparnahrafičnaha źmiestu, jakija tyčacca realnych situacyj, faktaŭ i epizodaŭ.
Na kanfiskavanych videarolikach była identyfikavanaja siamihadovaja biełaruskaja dziaŭčynka, jakaja pryjazdžała ŭ Italiju pa prahramie «Dzieci Čarnobyla», i stała achviaraj piedafiła.
Zhodna z vysnovami papiaredniaha śledstva, na videa vyjaŭleny jašče adzin epizod zhvałtavańnia, učynienaha inšym piedafiłam u dačynieńni da inšaj biełaruskaj dziaŭčynki, jakaja ŭvachodziła ŭ hrupu dziaciej z čarnobylskaj zony, što prachodzili kurs adnaŭleńnia zdaroŭja ŭ Italii.
Sudździa Stefanija Danadea pryhavaryła piedafiła pa paskoranaj sudovaj pracedury da šaści hadoŭ turemnaha źniavoleńnia pa fakcie zhvałtavańnia niepaŭnaletniaj, jakaja jaŭna znachodziłasia ŭ biezdapamožnym stanie, i za vyrab i raspaŭsiudžvańnie materyjałaŭ piedaparnahrafičnaha charaktaru.
Kamientary