Pra heta ŭ čaćvier u chodzie anłajn-kanfierencyi na sajcie BiełTA paviedamiŭ pieršy namieśnik ministra finansaŭ Biełarusi Uładzimir Amaryn.
Jon rastłumačyŭ, što parłamient krainy ŭžo pryniaŭ respublikanski biudžet i Padatkovy kodeks na 2014 hod. «Pakul nijakija rašeńni pa ŭviadzieńni padatku z darmajedaŭ nie prymalisia, i ŭ biudžecie na 2014 hod jon nijak nie adlustravany,— skazaŭ Uładzimir Amaryn. — Ministerstva finansaŭ hetym pytańniem nie zajmajecca, bo nijakija asablivyja padatkovyja ciažary dla niepracujučych hramadzian nie razhladajucca. U 2014 hodzie padatak na darmajedstva nie budzie ŭviedzieny».
Pieršy namieśnik ministra finansaŭ vykazaŭ zdahadku, što pytańnie źbirańnia płaty ź niepracujučych hramadzian budzie vyrašacca «nie ŭ płoskaści padatkaabkładańnia».
Adnym z varyjantaŭ źbirańnia płaty mohuć stać sacyjalnyja karty, i hety varyjant ciapier prapracoŭvajecca, u tym liku Ministerstvam pracy i sacyjalnaj abarony.
Uładzimir Amaryn taksama ahučyŭ punkt hledžańnia Minfina z nahody nieabchodnaści ŭviadzieńnia płaty za sacpasłuhi ź niepracujučych hramadzian.
«Na našu dumku, ludzi, jakija nie ŭdzielničajuć u farmiravańni vałavoha ŭnutranaha praduktu, nie apłočvajuć padachodny padatak u biudžet krainy, a taksama adličeńni ŭ Fond sacyjalnaj abarony i pry hetym karystajucca lhotami pa akazańni biaspłatnaj mieddapamohi, biaspłatnaj adukacyjaj, lhotami na kamunalnyja pasłuhi i transpart, heta značyć cełym naboram pasłuh, pavinny niejak kampiensavać košt hetych pasłuh albo apłačvać ich», — skazaŭ jon.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami36
Kamientary