Nacbank vypuskaje manietu, pryśviečanuju pieramožcu Bitvy pad Oršaj Astrožskamu ŭ sieryi «Umacavańnie i abarona dziaržavy»
Nacyjanalny bank Biełarusi płanuje ŭ 2014 hodzie vypuścić u abaračeńnie pamiatnyja maniety roznaj tematyki.
U pryvatnaści, buduć vypuščany pamiatnyja maniety, jakija zakranajuć temu Biełarusi i suśvietnaj supolnaści. Heta maniety «70 hadoŭ vyzvaleńnia Biełarusi ad niamiecka-fašysckich zachopnikaŭ», maniety sieryi «Pravasłaŭnyja cudatvornyja ikony» («Ikona Praśviatoj Baharodzicy «Kazanskaja», «Ikona Praśviatoj Baharodzicy «Žyrovickaja», «Ikona Praśviatoj Baharodzicy «Znamieńnie», «Ikona Praśviatoj Baharodzicy «Białynickaja»), manieta sieryi «Kitajski kalandar» («Hod Aviečki»).
Vyjduć u abaračeńnie maniety sieryi «Zadyjakalny haraskop» -
«Avien (Aries)», «Cialec (Taurus)», «Bliźniaty (Gemini)», «Rak (Cancer)», «Leŭ (Leo)», «Dzieva (Virgo)», «Šali (Libra)», «Skarpijon (Scorpio)», «Stralec (Sagittarius)», «Kaziaroh (Capricorn)», «Vadalej (Aquarius)», «Ryby (Pisces)».
Buduć vypuščany maniety «Pieršaja suśvietnaja vajna», «Suśvietnaja spadčyna JUNIESKA. Mirski zamak», maniety sieryi «Žycije śviatych pravasłaŭnaj carkvy» («Prapadobny Sierhij ihumien Radaniežski»), sieryi «Šlach Skaryny».
Taksama Nacbank paraduje kalekcyjanieraŭ pamiatnymi manietami na temu historyi i kultury Biełarusi.
U pryvatnaści, u 2014 hodzie ŭ abaračeńnie buduć vypuščany manieta «Pavieł Maślenikaŭ. 100 hadoŭ», maniety «Arkadź Kulašoŭ. 100 hadoŭ», maniety sieryi «Biełaruskija narodnyja lehiendy» («Lehienda pra hila»), sieryi «Umacavańnie i abarona dziaržavy» («Kanstancin Astrožski»), sieryi «Pomniki architektury Biełarusi» («Kaścioł Jana Chryściciela»), maniety «Biełaruski balet. 2014».
Zapłanavany šerah maniet tematyki achovy navakolnaha asiarodździa.
Heta maniety sieryi «Ptuška hoda» («Zvyčajnaja ziaziula»), sieryi «Adrodžanyja raśliny» («Hrazdoŭnik prosty»), sieryi «Kvietki Biełarusi» («Zvanočak piersikalisty», «Łotać bałotnaja»), maniety «Zajac» i manieta «Zajcy».
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni7
Kamientary